Stórtónleikar Skunk Anansie færðir til nóvember

Efnisorð

Deila

- Auglýsing -

Brit-rokksveitin Skunk Anansie hefur beðið eftir rétta tækifærinu til að heimsækja Ísland aftur, en sveitin mun halda tónleika í Laugardalshöll í tilefni af 25 ára afmælisári sínu.

Í ljósi þeirrar óvissu sem COVID-19 veldur okkur öllum og þar á meðal tónleikahaldi og vegna samkomutakmarkana, sem þó eru að rýmkast hefur verið tekin sú ákvörðun að færa tónleika Skunk Anansie, sem vera áttu 5. júní. Ný dagsetning er laugardagurinn 6. nóvember. Frábær dagsetning og við erum orðin óþreyjufull að skemmta ykkur!

Við hjá TWE live sem stöndum að tónleikunum værum ótrúlega þakklát ef miðaeigendur væru til í að halda miðum sínum á nýrri dagsetningu og styðja þannig við viðburðahald á Íslandi, sem hefur átt undir högg að sækja síðustu mánuði. Miðarnir þínir gilda sjálfkrafa áfram á nýrri dagsetningu og þú þarft ekkert að aðhafast frekar.

Ef ný dagsetning hentar alls ekki geta miðaeigendur óskað eftir endurgreiðslu með því að senda tölvupóst á [email protected] innan 14 daga frá og með deginum í dag, það er í síðasta lagi miðvikudaginn 10. mars 2021.

Athugið að ef greitt var með greiðsluappi (Aur, Kass eða Síminn Pay) eða með ferðagjöf stjórnvalda þarf að senda reikningsupplýsingar með.

Salan á tónleikana hefur gengið vel þrátt fyrir þessa skrítnu tíma og er stúkan að verða uppseld. Miðasala fer fram á Tix.is.

Hlökkum til að sjá ykkur í brjáluðu stuði laugardagskvöldið 6. nóvember 2021.

Skunk Anansie

Það verður að teljast sannkallaður hvalreki fyrir tónlistarunnendur á Íslandi að Brit-rokksveitin Skunk Anansie sé á leiðinni til landsins aftur, en sveitin lék fyrir troðfullu húsi í Laugardalshöll árið 1997 á einum bestu tónleikum sem haldnir hafa verið í Höllinni. Meðlimir Skunk Anansie hafa beðið eftir rétta tækifærinu til að heimsækja Ísland aftur og nú er komið að því. Sveitin fagnar 25 ára starfsári sínu með plötunni [email protected] og hugðist einnig halda tónleika víðs vegar um Evrópu 2020. Tónleikarnir færast allir til ársins 2021 vegna kórónuveirufaraldursins, auk þess sem nýjum dagsetningum er bætt við vegna mikillar eftirspurnar, meðal annars í O2 tónleikahöllinni í London í Bretlandi.

Söngkonan Skin hefur einnig gefið út endurminningar sínar, It Takes Blood And Guts, sem hún skrifar ásamt vinkonu sinni og blaðamanni, Lucy O-Brien. Bókin hefur hlotið góða dóma. Árið 2019 gaf Skunk Anansie út lagið, What You Do For Love, sem var fyrsta nýja efnið frá þeim í þrjú ár. Laginu var síðan fylgt eftir með laginu, This Means War, og myndbandi þess sem tekið var upp á 800 þúsund manna tónleikum í Póllandi.

Það er því til mikils að hlakka til á tónleikum Skunk Anansie þann 6. nóvember, þar sem sveitin mun fara yfir 25 ára feril sinn og sín bestu og vinsælustu lög. Skunk Anansie þykir frábær á tónleikum, eins og sannaðist í Höllinni fyrir 23 árum og þykja þeir tónleikar vera einir þeir bestu sem hafa verið settir upp þar svo þétt er sveitin, rödd Skin er ótrúleg sem og sviðsframkoma sveitarinnar.

 

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 
- Auglýsing -

Orðrómur

Helgarviðtalið

Lestu meira

Nýtt í dag

Í fréttum er þetta helst...

Mest lesið í vikunni

- Auglýsing -