Myndskeið úr raunveruleikaþáttunum Æði sem sýndir eru á Stöð 2 veldur titringi á Twitter en sumir vilja meina að það sem sjá má þar sé ekkert annað en rasismi. Fríða nokkur deilir myndbandinu þar sem Bassi Vilhjálmsson, mörgum kunnur sem sjónvarpsstjarnan Bassi Maraj, hermir eftir talmáta svartra kvenna frá Bandaríkjunum, ásamt áhrifavaldinum Patreki Jaime. Þættirnir njóta talsverða vinsælda en þar er fylgst með lífi Patreks Jaime og vina hans en þar eru Bassi og Binni Glee fremstir í flokki.
Fríða deilir myndbandinu sem má sjá hér fyrir neðan og skrifar: „Hvítir ungligar sem halda að það sé persónuleiki að tala eins og svart fólk í Bandaríkjunum (AAVE) er svo vandræðalegt dæmi.“
Hvítir ungligar sem halda að það sé persónuleiki að tala eins og svart fólk í Bandaríkjunum (AAVE) er svo vandræðalegt dæmi😖 pic.twitter.com/jpmjaKKIzH
— Fríða (@Fravikid) January 25, 2021
Sitt sýnist hverjum en ótal fólks lækar færsluna þó. Einn eldri maður skilur þetta ekki alveg og spyr: „Ég er gamall þannig að ég spyr: Er þessum alvara eða gera að grín að svona fólki?“ ´
Því svarar Fríða: „Held að þau haldi að þau hafi fundið þetta upp?? Eða eitthvað!“ Prodhi Manisha, aktívisti og transmaður, tekur undir með Fríðu og segir þetta menningarnám. „Jamm þetta er alveg appropriation,“ skrifar hann.
Fleiri taka undir: „Sem svört manneskja er ég svo hjartanlega sammála. Jesus fucking christ.“
Sumir ganga lengra og segja: „Þeim langar svo að segja n orðið“. Ein svarar þessu og segir: „Mér finnst frekar langt gengið og ljótt af ykkur að gera ráð fyrir þvi að þeir vilji segja n orðið og að þeir segi það yfir höfuð þegar þið þekkið þá ekki og vitið ekkert um það.“
Ein segir að lokum nokkuð sem líklega flestir geta verið sammála: „Hvað var ég að horfa á??“