2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

    Þetta eru dýrustu einbýlishúsin til sölu á landinu – Slökunarrými með sauna, hesthús, gistiheimili með öllu sem þarf

    Framboð á fasteignum er nóg um þessar, þrátt fyrir kórónuveirufaraldurinn og fleira. Séð og Heyrt lék forvitni á að vita hvaða einbýlishús á Íslandi væru með dýrasta verðmiðann. Athugið að ekki er litið á einbýlishús þar sem óskað er tilboða, þó að þau hús gætu selst hærra verð en þau tíu sem hér fara á eftir.

     

    Melhæð, 210 Garðabæ

    Við Melhæð 6 er til sölu 467 fm einbýlishús sem byggt var árið 1979. Húsið er níu herbergja á tveimur hæðum. Slökunarrými/sólskáli með saunaklefa, sturtu og heitum potti er hluti af eigninni.

    AUGLÝSING


    Ásett verð 145.000.000 kr.

    Melhæð Mynd / fasteignaljosmyndun.is

    Kríunes, 210 Garðabæ

    Við Kríunes 6 er til sölu 366,8 fm einbýlishús, sem byggt var árið 1982. Húsið er sjö herbergja á tveimur hæðum með bílskúr. Húsið hefur verið mikið endurnýjað og á neðri hæð er 65 fm aukaíbúð með sérinngangi, tilvalin til útleigu, eða fyrir yngri meðlimi fjölskyldunnar að búa í.

    Ásett verð 155.000.000 kr.

    Kríunes Mynd / fasteignaljosmyndun.is

    Ennishvarf, 203 Kópavogi

    Við Ennishvarf 8 er til sölu 541,1 fm einbýlishús, sem byggt var 2006. Húsið er átta herbergja á tveimur hæðum með innbyggðum bílskúr. Húsinu fylgir 60 fm hesthús sem stendur neðar á lóðinni.

    Ásett verð 159.900.000 kr.

    Ennishvarf Mynd / fasteignaljosmyndun.is

    Túngata, 101 Reykjavík

    Við Túngötu 8 er til sölu 309,5 fm einbýlishús sem byggt var árið 1930. Húsið er níu herbergja á tveimur hæðum, auk kjallara og ris. Bílskúr og vinnustofa/stúdíóíbúð er á baklóð.

    Ásett verð 165.000.000 kr.

    Túngata Mynd / fasteignaljosmyndun.is

    Fiskhóll, Höfn í Hornafirði

    Við Fiskhól 11 er til sölu 594,7 einbýlishús, sem byggt var árið 1972. Húsið er samtals 17 herbergi í fjórum hlutum, sem allir eru samtengdir, en hægt að skipta upp. Hlutarnir fjórir eru á þremur fastanúmerum. Áhugasamir kaupendur geta nýtt hluta hússins til útleigu eins og gert hefur verið, eða einfaldlega breytt úr sér í stórri eign.

    Ásett verð 169.000.000 kr.

    Fiskhóll Mynd / fasteignaljosmyndun.is

    Dalaþing, 203 Kópavogi

    Við Dalaþing 36 er til sölu 322,5 fm einbýlishús, sem byggt var árið 2017. Húsið er sjö herbergja hönnunarhús á tveimur hæðum  á jaðarlóð við Elliðavatn.

    Ásett verð 189.000.000 kr.

    Dalaþing Mynd / fasteignaljosmyndun.is

    Bergstaðir, 801 Selfoss

    Við Bergstaði er til sölu 226,3 fm einbýlishús. Húsið er fimm herbergja hæð, með kjallara sem nýttur hefur verið sem málningastúdíó og smíðaverkstæði, en auðvelt er að gera hluta af húsinu. Húsið er á gróinni 55 hektara jörð í Biskupstungum á austurbakka Tungufljóts.

    Ásett verð 200.000.000 kr.

    Bergstaðir Mynd / fasteignaljosmyndun.is

    Fischersund, 101 Reykjavík

    Við Fishchersund 3 er til sölu 253,8 fm einbýlishús sem byggt var árið 1887. Húsið er átta herbergja og var það endurbyggt árið 1992, auk þess sem heimilt er að byggja við húsið. Húsið er fullbúið gistiheimili í dag með öll leyfi, og fylgir allt með húsinu: borðbúnaður, húsgögn, tók og tæki, auk reksturs og nafns.

    Ásett verð 210.000.000 kr.

    Fischersund Mynd / fasteignaljosmyndun.is

    Sóleyjargata, 101 Reykjavík

    Við Sóleyjargötu 29 er til sölu 401,9 fm einbýlishús sem byggt var árið 1933. Húsið er átta herbergja á tveimur hæðum, auk kjallara og þakhæðar, sem er ekki inn í fermetratölu. Húsið stendur á 760,1 fm eignarlóð.

    Ásett verð 240.000.000 kr.

    Sóleyjargata Mynd / fasteignaljosmyndun.is

    Ægisgata, 101 Reykjavík

    Við Ægisgötu 4 er til sölu 365,7 fm einbýlishús sem byggt var árið 1928. Húsið samanstendur af átta stúdíóíbúðum og einni íbúð á efstu hæð, og var sú hæð byggð árið 2011. Nokkrir inngangar eru í húsið, en skráning þess hjá Reykjavíkurborg er ekki í samræmi við núverandi fyrirkomulag, en húsið er skráð sem þrjár íbúðir og verslun.

    Ásett verð 265.000.000 kr.

    Ægisgata
    Mynd / fasteignaljosmyndun.is

     

    Lestu meira

    Annað áhugavert efni

    Nýjast á Mannlíf.is

    Nýjast á Gestgjafanum