Þjóðleikhúsið kallar eftir nýjum leikritum: Sérstök áhersla á verk eftir konur

Efnisorð

Deila

- Auglýsing -

Þjóðleikhúsið vill efla leikritun á Íslandi og segja sögur sem eiga brýnt erindi við okkur. Auglýst er eftir nýjum leikverkum, hvort heldur fullbúnum verkum eða vel útfærðum hugmyndum til þróunar innan leikhússins. Að þessu sinni er lögð sérstök áhersla annars vegar á frumsamin leikverk eftir konur og hins vegar verk sem fjalla með einhverjum hætti um fjölbreytileika og fjölmenningu. Það útilokar á engan hátt önnur áhugaverð verk eða hugmyndir, eins og segir í tilkynningu frá Þjóðleikhúsinu.

Þjóðleikhúsið stendur fyrir öflugu höfundastarfi með það að markmiði að efla leikritun á Íslandi. Við tökum til skoðunar hugmyndir og handrit á öllum vinnslustigum og vinnum markvisst með leikskáldum frá fyrstu hugmynd til fullbúinna verka.

Á síðasta leikári kallaði Þjóðleikhúsið eftir barnaleikritum og keypti sýningarréttinn að tveimur af þeim 150 verkum sem bárust, auk þess sem sex önnur voru valin til áframhaldandi vinnslu og skoðunar. Einnig var kallað eftir nýjum íslenskum verkum til flutnings í Hádegisleikhúsinu og bárust 247 ný íslensk verk. Fjögur þeirra voru valin til sýninga, auk þess sem leikhúsið tryggði sér sýningarrétt á þremur verkum til viðbótar.

Óskað er eftir handritum í fullri lengd eða vel útfærðum hugmyndum að leikritum, með sýnishorni af leiktexta. Stutt lýsing á verkinu, 1-2 bls., skal fylgja, þar sem fram kemur persónufjöldi, atburðarás og ætlunarverk höfundar. Einnig skal fylgja stutt ferilskrá höfundar. Höfundar af öllum kynjum og mismunandi uppruna eru hvattir til að senda inn leikverk. Höfundarlaun fyrir fullbúin verk eða hugmyndir í þróun verða greidd samkvæmt samningi Þjóðleikhússins við Rithöfundasamband Íslands.

Leikrit og hugmyndir að leikverkum skulu sendar í gegnum umsóknarkerfi á vef leikhússins, leikhusid.is. Nánari upplýsingar á [email protected]. Umsóknarfrestur er til og með þri. 6. apríl 2021.

Skráningarform:
https://leikhusid.is/frettir/thjodleikhusid-kallar-eftir-nyjum-leikverkum/

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 
- Auglýsing -

Orðrómur

Helgarviðtalið

Lestu meira

Nýtt í dag

Í fréttum er þetta helst...

Mest lesið í vikunni

- Auglýsing -