Tökur hafnar á Verbúðinni: Byggð á raunverulegum atburðum úr íslenskum raunveruleika

Efnisorð

Deila

- Auglýsing -

Tökur á Verbúðinni eru hafnar og standa næstu 14 vikur. Tekið verður upp á höfuðborgarsvæðinu og vestur á fjörðum.

 

Verbúðin er sjónvarpsþáttaröð í átta hlutum og verður frumsýnd á RÚV fyrri hluta árs 2021. Þáttaröðin er innblásin af raunverulegum atburðum úr íslenskum veruleika. Hún gerist á níunda áratugnum og fjallar um vinahóp, sem kemst yfir óhaffæran togara og byggir upp viðskiptaveldi samhliða því að íslensk stjórnvöld innleiða fiskveiðikvóta til að sporna við ofveiði á fiskistofnum við Íslandsstrendur.

Mynd / Aðsend

Sagan gerist í íslensku sjávarþorpi á umbrotsárunum 1983-1991. Hjónin Harpa og Grímur byggja upp litla útgerð, ásamt vinafólki sínu, af miklum dugnaði. Þau taka yfir verbúðina og allt sem henni fylgir og þar eru aðstæður bæði lifandi og litríkar. Kvótinn er kynntur til sögunnar og vinirnir aðlaga viðskiptahætti sína og lífsstíl að breytingum í samfélaginu. Leiðtogafundurinn er haldinn, bjórinn er leyfður og pönkið er allsráðandi. Fólk flykkist til bæjarins alls staðar að á vertíðum og upplausnarástand ríkir. Hugsjónir og valdafíkn rekast á, vinir svíkja vini og stjórnmálamenn reyna eftir fremsta megni að fóta sig í síbreytilegu viðskiptaumhverfi.

Mynd / Aðsend

Mynd / Aðsend

Nína Dögg Filippusdóttir og Björn Hlynur Haraldsson fara með hlutverk Hörpu og Gríms en í öðrum burðarhlutverkum eru Gísli Örn Garðarsson, Guðjón Davíð Karlsson, Unnur Ösp Stefánsdóttir, Kristín Þóra Haraldsdóttir, Anna Svava Knútsdóttir, Pétur Jóhann Sigfússon, Hilmir Snær Guðnason, Sverrir Þór Sverrisson, Ingvar E. Sigurðusson, Steinunn Ólína Þorsteinsdóttir, Selma Björnsdóttir, Ingrid Jónsdóttir, Jógvan Hansen og fleiri.

Gísli Örn Garðarsson, Björn Hlynur Haraldsson og Mikael Torfason skrifa handritið að þáttunum og leikstjórn er í höndum Gísla Arnar, Björns Hlyns og Maríu Reyndal. Vesturport framleiðir þættina í samstarfi við RÚV, ARTE og Turbine Studios.

- Auglýsing -

Athugasemdir

Lestu meira

Lilja Ósk nýr formaður SÍK

Lilja Ósk Snorradóttir, framkvæmdastjóri og meðeigandi kvikmyndaframleiðslufyrirtækisins Pegasus var á fimmtudag kjörin formaður stjórnar Sambands íslenskra kvikmyndaframleiðenda,...

Bassafanturinn genginn út

Þröstur Jónsson, fyrrum bassaleikari pönkrokksveitarinnar Mínus, og Martina Klara, eru nýtt par.Parið skráði sig í samband í...