Unnur Brá kveður stjórnmálin: „Hugurinn hefur einfaldlega leitað annað“

Efnisorð

Deila

- Auglýsing -

Unnur Brá Konráðsdóttir, þingmaður Sjálfstæðisflokksins í Suðurkjördæmi, hefur ákveðið að gefa ekki kost á sér á lista flokksins fyrir kosningarnar sem fram fara í haust.

Unnur Brá greinir frá í færslu á Facebook, en hún tók sæti á Alþingi árið 2009 og var þingmaður Sjálfstæðismanna í Suðurkjördæmi í átta ár. Hún var forseti Alþingis 2017.

„Eins og þið vitið náði ég ekki kjöri árið 2017 og í mínum huga kom því lengi vel ekkert annað til greina en að halda áfram þaðan sem frá var horfið og freista þess að taka aftur öruggt þingsæti á lista flokksins fyrir næstu kosningar. En eftir því sem tímanum vindur fram finn ég að hugurinn hefur einfaldlega leitað annað,“ segir Unnur Brá.

Segist hún þakklát fyrir tækifærið að vinna í umboði kjósenda og eiga eftir að sakna þess mest að hitta fólkiðsem verður á vegi þingmanna.

„Það eru forréttindi að hafa fengið að vinna í umboði kjósenda á Alþingi og ég er af öllu hjarta þakklát fyrir að hafa fengið tækifæri til þess. Ég tók sæti á þingi árið 2009 og sat þar í rúm átta ár. Mér hlotnaðist sá heiður að vera treyst til að gegna virðingarmesta embætti löggjafarsamkomunnar þegar ég var kjörin forseti þingsins.

Ég mun sakna þess mest að hitta allt fólkið sem verður á vegi þingmanna. Að njóta þeirra forréttinda að mega eiga erindi inn á vinnustaði og heimili fólks og fá beint í æð hugmyndir og upplýsingar varðandi málefni sem brenna á fólki.“

Að lokum óskar hún frambjóðendum velfarnaðar og vonar að flokksmenn hans kjósi til forystu einstaklinga sem hafa ákveðin gildi að leiðarljósi.

„Um leið og ég óska frambjóðendum flokksins í kjördæminu góðs gengis í komandi prófkjöri vona ég að sjálfstæðismenn beri gæfu til að kjósa til forystu fólk sem hefur frelsi einstaklingsins að leiðarljósi, sameinar okkur og vinnur að því að skapa okkur öllum jöfn tækifæri í þessu kröftuga kjördæmi. Ég þakka stuðningsmönnum mínum fyrir að hafa verið samferða mér og hið ómetanlega traust og trygglyndi sem mér hefur verið sýnt í gegnum tíðina.“

Kæru vinir.

Það eru forréttindi að hafa fengið að vinna í umboði kjósenda á Alþingi og ég er af öllu hjarta þakklát…

Posted by Unnur Brá Konráðsdóttir on Friday, February 12, 2021

 

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 
- Auglýsing -

Orðrómur

Helgarviðtalið

Lestu meira

­Ísold og Una Lind eiga von á barni

Parið Ísold Ugga­dóttir, kvik­mynda­gerðar­kona, og Una Lind Hauks­dóttir, mannfræðingur, eiga von á barni. Parið tilkynnti gleðitíðingin í...

Nýtt í dag

Í fréttum er þetta helst...

Mest lesið í vikunni

- Auglýsing -