2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

    Viltu fá hálfa milljón fyrir að vera fyndin/n?

    Skráning í Íslandsmeistarakeppnina í Uppistandi er hafin, en keppnin fer fram í Háskólabíói 27. febrúar. Það er í fyrsta sinn sem keppnin er haldin. Undirbúningur að henni hefur staðið yfir síðan í fyrrahaust og hefur verið mikið lagt í þróun hugmyndafræðinnar.

     

    Í kringum síðustu aldamót var keppnin Fyndnasti maður Íslands haldin en svo lagðist sú keppni af eftir níu ár. Mikið vatn hefur runnið til sjávar síðan þá. Nokkrir af keppendum og sigurvegurum Fyndnasta manns Íslands hafa náð heimsfrægð á Íslandi og nægir þar að nefna Pétur Jóhann Sigfússon sem vann keppnina árið 1999.

    Sjá einnig: „Vaktirnar, það er ekkert hægt að toppa þær“

    Verðlaunin eru ekki að verri endanum því ekki bara verður viðkomandi krýndur Íslandsmeistari í uppistandi 2020 heldur mun sigurvegarinn rölta af sviðinu með 500.000 krónur ásamt fleiru og einnig munu einstaklingar sem lenda í öðru og þriðja sæti hreppa verðlaun.

    AUGLÝSING


    Skráning er hafin á Facebook-síðu keppninnar.

    Kjartan Atli og Júlíana Sara eru tilbúin í slaginn.

    Það eru þau Kjartan Atli Kjartansson fjölmiðlamaður og Júlíana Sara Gunnarsdóttir leikkona og handritshöfundur sem verða kynnar keppninnar og gestgjafar. Sérstakur gestur kvöldsins verður Sveppi og ekki er ólíklegt að fleiri bætist í þann hóp áður en að keppninni kemur. Það er þó allavega ljóst að þar er ekki slegið slöku við.

    7 manna dómnefnd og atkvæði áhorfenda

    Í dómnefnd keppninnar sitja engar smá sleggjur en þar eru goðsögnin Edda Björgvinsdóttir, Logi Bergmann Eiðsson fjölmiðlastjarna, Vala Kristín Eiríksdóttir verðlaunaleikona ársins og framleiðandi, „Hraðfrétta“ Fannar Sveinsson, Guðmundur, Gummi Ben,“ Benediktsson sjónvarpsmaður, Pálmi Guðmundsson sjónvarpsstjóri hjá Símanum og Steinunn Camilla Slgurðardóttir hjá umboðsskrifstofunni Iceland Sync. Þessir sjö aðilar munu vega mjög þungt í valinu en áhorfendur í sal munu einnig hafa vægi.

    Sendu inn myndskeið

    Skráningin er hafin og áhugasamir þátttakendur senda inn 3-5 myndskeið tekin upp á forsendum hvers og eins. Innihaldi myndbandsins er ætlað að sannfæra forvalsnefnd um erindi þess sem sendir í keppnina. Bestu komast í sextán manna úrslit í byrjun janúar. Innsendingarmyndböndin eru eign þess sem sendir inn og verða aldrei birt opinberlega. Keppanda er frjálst hvernig hann nýtir þessar 3-5 mínútur að öðru en því að hann þarf að byrja á stuttri kynningu á sér. Eingöngu er tekið við YouTube-myndböndum.

    Þeir 16 hinsvegar sem komast áfram í milliriðilinn framleiða með framleiðendum keppninnar ný myndskeið sem verða borin undir dóm þjóðarinnar á Mbl.is. Þeir átta keppendur sem koma þaðan hlutskarpastir komast síðan í úrslitin í Háskólabíói 27. febrúar 2020.

    Fyrstu verðlaun í keppninni eru 500.000 kr. og hraðferð inní skemmtanabransann.

    Skráðu þig hér.

    Ekki missa af þessum

    Annað áhugavert efni

    Nýjast á Mannlíf.is

    Nýjast á Gestgjafanum