Fimmtudagur 28. mars, 2024
-4.2 C
Reykjavik

Falleg og vönduð eign í skjólríku og grónu hverfi

VefTv

- Auglýsing -

Hlaðvörp

- Auglýsing -

Eign vikunnar. Við endann á götunni við Ljárskóga stendur þetta vandaða og fallega einbýlishús á tveimur hæðum. Húsið er einstaklega vel staðsett í skjólríku og grónu hverfi. Lágreist, heilsteypt byggð mótar Seljahverfið og er þéttleiki byggðarinnar mun minni en í öðrum hverfum í Breiðholtinu.

Lágreist, heilsteypt byggð mótar Seljahverfið og er þéttleiki byggðarinnar mun minni en í öðrum hverfum í Breiðholtinu

Áberandi fyrir hverfið er hversu skjólsælt það er og tilheyrir miðsvæði stofnana, verslana og útivistarsvæða sem liggja um mitt hverfið og tengist svæði ÍR í suðurhluta Mjóddar sem er í miklum uppbyggingarfasa. Í nálægð eru leik-, grunn- og fjölbrautaskóli. Eignin er í nálægð við alla helstu þjónustu Seljahverfisins eins og verslunarkjarnann í Mjóddinni, kvikmyndahús og læknaþjónustu svo dæmi séu tekin. Seljahverfið er eftirsóknarverður staður að búa á, stutt er í Elliðaárdalinn sem er rómað útivistarsvæði og samgönguæðar eru til allra átta höfuðborgarsvæðisins. Seljahverfið er gróið og fallegt hverfi. Íbúar eiga kost á að njóta útverunnar og eru meðal annars göngu- og hjólastígar til allra átta. Nálægðin við iðandi mannlíf setur Seljahverfið í flokk eftirsóttra hverfa borgarinnar. Frá Seljahverfinu er jafnframt stutt í öfluga þjónustukjarna samanber Smáralind og nærliggjandi hverfi.

Útsýnið er fallegt út um gluggana á efri hæðinni.

Innréttuð á vandaðan og smekklegan máta

Á efri hæðinni eru stórar og bjartar stofur, með mikilli lofthæð í opnu rými sem nýtist mjög vel. Útsýnið er fallegt út um gluggana á efri hæðinni og býður upp á lifandi málverk alla daga. Hlýlegur arinn er í annarri stofunni sem gefur henni hlýjan blæ. Einnig er sólskáli sem stækkar rýmið enn frekari og býður upp á margbreytilega möguleika á nýtingu. Útgengi er úr stofum og sólskála út á stórar vinkilssvalir. Sjónvarpsstofan er einnig með útgengi út í rúmgóðan sólskála og er gengið úr sólskálanum út á sólpall með heitum potti sem er himneskt að njóta allan ársins hring. Einnig er eldhúsið á efri hæðinni með nýlegri og stílhreinni innréttingu sem sem sameinar fagurfræði og notagildi með góðri útkomu. Parket og viður spila aðalhlutverkið á gólfum og í loftum á efri hæðinni og blandast vel. Á efri hæðinni er líka stórt og vandað baðherbergi, með flísum og fínum innréttingum. Á hæðinni eru þrjú rúmgóð svefnherbergi.

Húsinu hefur vel verið viðhaldið að utan og er í mjög góðu ástandi.

Fjölbreytilegir möguleikar á nýtingu

Á neðri hæðinni er rými sem býður upp á fjölbreytta möguleika á nýtingu en þar væri hægt að vera með aukaíbúð. Þar er opið rými þegar inn er komið í forstofuna  og rúmgott þvottahús með góðri vinnuaðstöðu. Einnig eru þar tvö herbergi til viðbótar ásamt góðum geymslum.

Fallegt og gróðusælt svæði

- Auglýsing -

Lóðin afar snyrtileg og mjög stór, hún er um það bil 1.100 fermetrar að stærð með rúmgóðu og hellulögðu bílaplani. Fallegt og gróðursælt svæði þar sem engin byggð er, er við húsið sem gefur því rómantískan blæ.  Húsinu hefur vel verið viðhaldið að utan og er í mjög góðu ástandi. Eigninni fylgir einnig tvöfaldur innbyggður bílskúr.

Lóðin er um það bil 1.100 fermetrar.

Þessi eftirsóknarverða eign er til sölu á fasteignasölunni Kjöreign. Nánari upplýsingar um eignina gefa sölumenn Kjöreignar í síma 533-4040 eða gegnum netfangið [email protected]

Myndir / Úr einkasafni Kjöreignar
Í samstarfi við Kjöreign

- Auglýsing -

 

 

 

 

 

 

 

 

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -