Hægt að kaupa nánast allt í íslenskum vefverslunum

Efnisorð

Deila

- Auglýsing -

Já.is í samstarfi við Stúdíó Birtíng

Á Já.is má finna vöruleit sem leitar í vöruframboði íslenskra vefverslana. Þar má skoða vöruúrval, gera verðsamanburð og finna þær vörur sem hentar best.

„Á Já.is er hægt að leita í vöruúrvali allra íslenskra vefverslana, skoða hvað er í boði, gera verðsamanburð og finna þannig vöru sem hentar hverjum og einum best á hagstæðasta verðinu. Auk þess er lítið mál að útbúa óskalista og deila honum með vinum og vandamönnum,“ segir Anna Berglind Finnsdóttir, verkefnastjóri hjá Já.is.

„Ég held að allir hafi upplifað það einhvern tímann að vanta einhverja vöru en ekki verið með það á hreinu hvar hún fáist. Oft endar það á því að maður þvælist um allan bæ eða er með óteljandi glugga og flipa opna á tölvunni að reyna að bera saman mismunandi vörur og missir oft alla yfirsýn. Þetta vandamál vildum við leysa og bjuggum því til leitarvél sem leitar í vöruframboði íslenskra vefverslana og sýnir þér allt framboðið í einum glugga. Hægt er að sía leitina eftir verði, verslunum, vörumerkjum og fleiri þáttum. Þannig verður leitin hnitmiðaðri en í almennum leitarvélum.“

Um leið er hægt að uppgötva eitthvað nýtt og skemmtilegt, eins og verslun eða vöru, sem viðkomandi vissi ekki að væri til. „Vöruleitin nýtist ekki síður þeim sem vilja áfram versla á staðnum, en vilja vita hvað er í boði áður en lagt er af stað.“

Úrvalið ótrúlega mikið

Hún segir mikla grósku vera í íslenskri vefverslun og að breiddin í vöruúrvali sé gríðarleg. „Það kom okkur skemmtilega á óvart þegar við fórum af stað í þetta verkefni. Eins og staðan er núna eru tæplega 600.000 vörur frá rúmlega 500 vefverslunum í vöruleitinni á Já.is og það bætist stöðugt við. Þú getur fundið hælaskó, steypuhrærivélar, púsluspil, róðrarvél, nýtt bindi og allt þar á milli í vöruleitinni. Það er varla til sú vara sem ekki er seld í vefverslun á Íslandi.“

Skjáskot af ja.is. Úrvalið er mikið.

Í stöðugri þróun

Nýlega var vöruleitinni bætt inn í Já.is-appið, sem er bæði í boði fyrir iOS- og Android-síma. „Þannig er auðvelt að finna vörur hvort sem þú ert heima eða á ferðinni. Þessa dagana erum við að vinna í að API-tengja allar verslanirnar við Já, sem tryggir að upplýsingar uppfærast oft á dag og nú þegar eru fjölmargar verslanir beintengdar við okkur á þennan hátt.“

Íslenskar vefverslanir eiga mikið inni

Vefverslun á Íslandi hefur vaxið mikið undanfarið ár, að sögn Önnu. „Á síðasta ári sögðust 76,8% landsmanna hafa verslað á Netinu undanfarna tólf mánuði, samkvæmt Gallup, og hafa þeir aldrei verið fleiri. Þrátt fyrir það eru vísbendingar um að vefverslun eigi enn nóg inni hérlendis. Þar má t.d. nefna að árið 2017 var vefverslun Íslendinga 2,9% af heildarsmásöluverslun á Íslandi meðan hún var um eða yfir 10% í nágrannalöndunum.“

Vegna óvenjulegra aðstæðna í samfélaginu segir hún marga landsmenn án efa vera að prófa vefverslanir í fyrsta skipti þessa dagana eða kaupa vörur í vefverslun sem þeir eru vanir að kaupa á staðnum, og átta sig um leið á því hversu þægileg leið þetta er. „Ég er viss um að við munum sjá áframhaldandi aukningu í vefverslun hérlendis næstu ár. Það er alltaf að verða auðveldara að versla á Netinu, verslanir eru sífellt að hækka þjónustustig sitt og koma fram með nýjar lausnir í vöruafhendingu, heimsendingu, greiðslumáta og framsetningu á vöruupplýsingum.“

Upplifunin færist því stöðugt nær því að notandinn sé heima að skoða og kaupa. „Já tekur þátt í þessari þróun með því að hjálpa notendum að finna vörur sem henta þeim á sem bestu verði og einnig að gera íslenskum vefverslunum hærra undir höfði og auðvelda þeim að koma sér og sínum vörum á framfæri.“

- Auglýsing -

Athugasemdir

Lestu meira