2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

„Hreyfing sem bætir andlega og líkamlega heilsu“ – Hreyfðu þig á meðan þú vinnur með Lifespan

„Okkur er eðlislægt að hreyfa okkur og það er engum hollt að sitja átta eða fleiri klukkustundir á dag við vinnu,“ segir Sigurbjörg Gunnarsdóttir íþróttafræðingur.

 

Sigurbjörg og eiginmaður hennar, Björgvin Jónsson byggingatæknifræðingur eiga og reka fyrirtækið Hreyfisport sem selur Lifespan, heilsueflandi skrifstofulausnir. Sjálf reyndu þau á eigin skinni hvaða áhrif langvarandi kyrrseta hefur á líkamann.

Sigurbjörg Gunnarsdóttir

„Við vorum bæði að vinna líkamlega vinnu, ég sem íþróttakennari og Björgvin sem smiður. Það var því töluverð breyting fyrir okkur bæði að fara að vinna á skrifstofu og hreyfa okkur lítið sem ekkert yfir vinnudaginn,“ segir Sigurbjörg. „Við vorum bæði farin að finna til í stoðkerfinu, með mjóbaksóþægindi og vöðvabólgu á herðasvæði þrátt fyrir að við værum að lifa heilbrigðum lífsstíl, og hreyfa okkur fyrir utan vinnutíma.“

AUGLÝSING


Ávinningurinn er fyrst og fremst sá að það getur dregið úr stoðkerfisóþægindum. Mynd / Hallur Karlsson

Lifespan skrifstofutækin hafa farið sigurför um Bandaríkin

Þau kynntust Lifespan skrifstofulausnunum, sem eru ný hér á Íslandi, en tækin eru þau mest seldu í Bandaríkjunum í þessum vöruflokki. Að sögn Sigurbjargar eru Bandaríkin komin á undan öðrum löndum í notkun á heilsueflandi skrifstofulausnum. Það er vel þekkt að stórfyrirtækin Facebook, Google og Microsoft bjóði starfsmönnum sínum upp á bestu vinnuskilyrði sem völ er á hverju sinni. Þessi fyrirtæki og mörg önnur hafa notað skrifstofubúnaðinn frá Lifespan undanfarin ár, með góðum ávinningi fyrir starfsfólkið.

Aukin vinnuafköst og bætt líðan starfsfólks

En hvernig virka Lifespan tækin og hver er ávinningurinn? „Það er fullt af fyrirtækjum sem eru að hugsa vel um starfsfólk sitt með því að hafa rétta lýsingu á vinnustað, með góða hljóðvist og bjóða upp á upphækkanleg skrifborð og fleira,“ segir Sigurbjörg. „Með Lifespan tækjunum er starfsfólki boðið upp á að hreyfa sig á meðan á vinnu stendur, með því að ganga á göngubretti, hjóla eða nota jafnvægisbretti við vinnuna. Ávinningurinn er fyrst og fremst sá að það getur dregið úr stoðkerfisóþægindum. Blóðþrýstingur lækkar einnig og hreyfingin bætir bæði líkamlega og andlega heilsu, hún eykur afköst starfsfólks og getur þannig bætt árangur fyrirtækisins.“

Sigurbjörg bætir við að flestir séu fljótir að venjast tækjunum, en sumir þurfi lengri tíma, allt að viku. Tækin koma þó ekki í veg fyrir hreyfingu utan vinnu sem allir ættu að stunda sem hluta af heilbrigðum lífsstíl.

Starfsfólk Reykjanesbæjar ánægt með Lifespan hreyfistöðvar

Reykjanesbær setti upp hreyfistöðvar á bæjarskrifstofunum nýlega í tilefni af árlegri heilsuviku bæjarins. Þar gafst öllum starfsmönnum tækifæri til að prófa tækin við vinnu sína, jafnvægisbretti, tvö hjól og tvö skrifstofubretti.

Að sögn Kristins Óskarssonar mannauðsstjóra Reykjanesbæjar voru starfsmenn forvitnir og flestir óhræddir við að prófa að vinna á hreyfistöðvunum frá Lifespan. Starfsfólk talaði um hvað það hefði verið skemmtilegt að hafa aðgengi að skrifstofubúnaðinum og var ánægt með að geta hreyft sig á meðan það vann. Bryndís Gyða sálfræðingur hjá Reykjanesbæ lét mjög vel af hreyfistöðvunum og var þá sérstaklega ánægð með skrifstofuhjólið. Reykjanesbær er heilsueflandi samfélag og að sögn Kristins er stefnt að því að setja upp hreyfistöðvar í nýju skrifstofuskipulagi á bæjarskrifstofum Reykjanesbæjar.

Kristinn prófar hjólið.

Kjartan bæjarstjóri.

Sýningarsalur í hjarta bæjarins

Hreyfisport opnar skrifstofu sína í byrjun desember í hjarta Reykjanesbæjar á Hafnargötu 35, þar sem áherslan verður lögð á heilsusamlegt vinnuumhverfi og skrifstofubúnaðurinn verður frá Lifespan. „Við verðum með sýningarsal þar sem viðskiptavinir geta komið og prófað tækin og fengið ráðgjöf. Við munum sýna viðskiptavinum okkar hvernig má gera vinnustaðinn heilsusamlegri með góðum tækjum og fleiri heilsusamlegum lausnum,“ segir Sigurbjörg.

Þar til sýningarsalurinn opnar og kynnast má Lifespan af eigin raun má finna allar upplýsingar á hreyfisport.is, í síma 551-6151 og með því að senda tölvupóst á [email protected]

Stúdíó Birtíngur
Í samstarfi við Hreyfisport

 

Ekki missa af þessum

Annað áhugavert efni