Miðvikudagur 29. júní, 2022
12.8 C
Reykjavik

Hvert mark milljóna virði

Helgarviðtalið

- Auglýsing -

Orðrómur

- Auglýsing -

Í tilefni af því að karlalandslið Íslands tekur í fyrsta sinn þátt í heimsmeistaramótinu í fótbolta hefur lyfjafyrirtækið Alvogen ákveðið að styðja baráttu UNICEF á Íslandi með samstarfsverkefni sem sameinar leik og gleði fótboltans og réttindi barna til að stunda tómstundir og leika sér í öruggu umhverfi. Fyrirtækið hefur sett af stað áskorun undir yfirskriftinni Leikur fyrir #öllbörn.

Bergsteinn Jónsson, framkvæmdastjóri UNICEF á Íslandi og Róbert Wessman, forstjóri Alvogen.

Alvogen heitir milljón krónum á hvert mark Íslands á HM
Alvogen hefur heitið einni milljón króna á hvert mark sem karlalandsliðið skorar á mótinu. UNICEF á Íslandi mun nýta áheitin til að útvega leikjakassa (e. Recreational kits) sem notaðir eru á barnvænum svæðum í flóttamannabúðum og á hamfarasvæðum víða um heim. Áður en flautað verður til leiks á laugardaginn hefur Alvogen heitið að lágmarki þremur milljónum króna á landsliðið. Fyrir eina milljón er hægt að útvega 50 leikjakassa sem nýtast munu fyrir þúsundir barna.

Tryggjum að börn fái að vera börn
„Alvogen vill með þessu leggja sitt af mörkum við að tryggja að börn fái að vera börn. Öll börn eiga rétt á að þroskast og læra í gegnum leik og tómstundir og barnvænu svæðin eru mikilvægur staður þar sem börn geta fundið öryggi og stuðning á erfiðum tímum,“ segir Róbert Wessman, forstjóri Alvogen.

„Við skorum á fyrirtæki að ganga til liðs við okkur, boltinn er hjá ykkur.“

– Róbert Wessman, forstjóri Alvogen.

Leikjakassinn
Leikjakassinn inniheldur fótbolta, ýmis leikföng, skólatöskur og námsgögn. Slíkir kassar eru notaðir á barnvænum svæðum UNICEF um allan heim, meðal annars í flóttamannabúðum fyrir Rohyngja í Bangladess, fyrir börn á flótta frá Sýrlandi og í Jemen.  Á barnvænu svæðunum geta börn haldið menntun sinni áfram, leikið sér og fengið sálrænan stuðning til að vinna úr áföllum sínum.

Alvogen sendir áskorun á íslensk fyrirtæki
Alvogen ríður á vaðið með því að heita einni milljón á hvert mark landsliðsins á mótinu. Róbert Wessman skorar auk þess á önnur fyrirtæki að taka þátt og heita á mörk íslenska landsliðsins. „Fótboltinn sameinar heiminn í leik og gleði og við viljum nýta þennan kraft til að leggja okkar af mörkum við að gera heiminn betri fyrir börn. Við skorum á önnur fyrirtæki að ganga til liðs við okkur, boltinn er hjá ykkur,“ segir Róbert.

„Þetta samstarf mun hafa jákvæð áhrif á líf þúsunda barna og styðja við réttindi þeirra til að stunda íþróttir og tómstundir og gera þeim kleift að fá að vera börn. UNICEF vinnur að velferð og réttindum barna í öllum þeim löndum sem eiga fulltrúa á HM,“ segir Bergsteinn Jónsson, framkvæmdastjóri UNICEF á Íslandi.

- Auglýsing -

Þegar blaðið fór í prentun höfðu fjögur fyrirtæki tekið áskoruninni. Norðurál heitir 500 þúsund á hvert mark og Vörður tryggingar, Eimskip og Alvotech heita hvert um sig 250 þúsund krónum. Öll fyrirtækin vonast til að það verði markaregn á HM!

_______________________________________________________________

Alvogen dyggur samstarfsaðili UNICEF í fjölda ára
Alvogen hefur verið dyggur samstarfsaðili UNICEF á Íslandi í fjölda ára og meðal annars styrkt menntaverkefni á Madagaskar, neyðaraðgerðir UNICEF á Sahel- svæðinu í Afríku og staðið fyrir styrktartónleikum fyrir börn í Nepal eftir mannskæðan jarðskjálfta þar í landi.

- Auglýsing -

Alvogen í samstarfi við Stúdíó Birtíng.

 

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Í fréttum er þetta helst...

- Auglýsing -