Jólaævintýri á Hótel Rangá – Þrettán réttir og þjónað til borðs

Efnisorð

Deila

- Auglýsing -

Stúdíó Birtíngur í samstarfi við Hótel Rangá

Hótel Rangá býður upp á ómótstæðilegan þrettán rétta jólaseðil á aðventunni. Yfimatreiðslumeistarinn Emil Örn Valgarðsson hefur sett saman veglegan jólaseðil sem samanstendur af fjölbreyttum og girnilegum jólaréttum. Grænkerum til mikillar gleði er einnig boðið upp á þrettán rétta vegan-jólaseðil.

Á Hótel Rangá er hefð fyrir því að halda glæsilegt jólahlaðborð í desember en í ljósi aðstæðna býður hótelið upp á skemmtilega nýjung í ár. Í staðinn fyrir hefðbundið hlaðborð verður gestum þjónað til borðs og boðið upp á þrettán hefðbundna rétti með nýstárlegu tvisti sem allir eru ómissandi partur af jólunum.

„Þarna erum við auðvitað að vísa til íslensku jólasveinanna þrettán.“

„Þegar það var ljóst að við gátum ekki verið með jólahlaðborð í ár vegna faraldursins brugðum við á þetta ráð, að bjóða upp á þrettán rétta jólamatseðil. Þarna erum við auðvitað að vísa til íslensku jólasveinanna þrettán,“ segir Kolbrún Jónsdóttir, móttökustjóri á Hótel Rangá. Hún segir starfsfólk Hótels Rangár leggja áherslu á að gera íslenskum jólahefðum hátt undir höfði í kringum hátíðirnar.

Eyrún Aníta Gylfadóttir, markaðsstjóri á Hótel Rangá, tekur undir með Kolbrúnu. „Okkur þykir gaman að halda íslensku jólahefðirnar og undanfarin ár hafa gestir okkar til að mynda fengið „í skóinn“ í desember. „Við hengjum poka á hurðarhúninn hjá gestum og gleðjum þá með einhverju góðgæti, ávöxtum eða íslensku nammi sem við setjum í pokana,“ segir Eyrún.

Kolbrún bætir við: „Svo fylgir lítið blað með gjöfunum sem hefur að geyma upplýsingar um þann tiltekna jólasvein sem kom til byggða þá nóttina. Þetta hefur vakið mikla lukku.“

Það eru nemendurnir í Grunnskólanum á Hellu sem sauma litlu pokana sem hengdir eru á hurðarhúninn hjá gestunum. „Þetta hefur verið skemmtilegt samstarfsverkefni með Grunnskólanum á Hellu þar sem pokarnir eru handgerðir af nemendum skólans úr endurnýttum sængurverum frá hótelinu. Við höfum svo styrkt skólann með kaupum á þeim tækjum sem vantar fyrir textílkennsluna,“ segir Eyrún.

Dásamlegur veganjólaseðill fyrir grænkera

Spurð nánar út í jólaseðilinn segir Eyrún: „Þetta er útfært í samvinnu við Emil Örn matreiðslumeistara. Við höfum undanfarin ár haldið skandinavískt jólahlaðborð en aldrei farið þessa leið og Emil var mjög áhugasamur að ráðast í þetta nýja verkefni. Nú verður þjónað til borðs og misjafnt hvort réttirnir komi á sérdiskum eða eru reiddir fram á platta fyrir allt borðið. Við hlökkum mikið til að taka á móti gestum okkar þar sem þeir munu njóta aðventunnar hjá okkur yfir góðum mat,“ segir Eyrún.

Kolbrún og Eyrún segja mikla spennu ríkja yfir vegan-jólaseðlinum. „Þegar við vorum að setja jólaseðilinn saman vildum við líka geta boðið upp á vegan-jólarétti og niðurstaðan var sú að gera veganútgáfu af öllum þrettán réttunum,“ segir Eyrún. „Við höfum fengið frábær viðbrögð við þessari nýjung og greinilegt að margir grænkerar eru mjög ánægðir með framtakið hjá okkur. Réttirnir eru allir innblásnir af þessum hefðbundnu jólaréttum og útfærðir á mjög skemmtilegan hátt.“

Kolbrún bendir áhugasömum á að nálgast nánari upplýsingar á hotelranga.is og bóka í gegnum síma 487-5700 eða með tölvupósti á [email protected]. „Áhuginn er mikill og margir þeirra sem hafa komið árlega til okkar á jólahlaðborðið eru byrjaðir að bóka.“

Jólaseðillinn verður í boði allar helgar á Hótel Rangá frá og með 27. nóvember fram að jólum. „Ef aðstæður í samfélaginu leyfa munum við svo geta tekið á móti hópum sem telja tíu manns eða fleiri, í jólaseðilinn á virkum dögum,“ segir Eyrún.

Verð á mann í jólaseðill er 10.900 krónur. Verð fyrir jólaseðil og gistingu fyrir tvo er frá 49.900 krónum. Nánari upplýsingar á hotelranga.is.

Myndir / Hallur Karlsson

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 
- Auglýsing -

Orðrómur

Helgarviðtalið

Lestu meira

Nýtt í dag

Í fréttum er þetta helst...

Mest lesið í vikunni

- Auglýsing -