2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Sígild og vinsæl hönnun

Belgíska fyrirtækið Ethnicraft hefur í 25 ár hannað falleg tímalaus húsgögn úr harðviði; eik, hnotu og tekki. Tekk-Company hefur síðan 1999 verið umboðsaðili fyrir Ethnicraft á Íslandi og býður upp á alla vörulínu framleiðandans. Telma Birgisdóttir, eigandi Tekk-Company, segir húsgögnin vinsæl og ekki að ástæðulausu.

Telma Birgisdóttir, eigandi Tekk-Company. Mynd / Ásdís Ósk Finnsdóttir

„Reynslan af húsgögnunum er góð og viðskiptavinirnir ánægðir,“ segir hún. „Sumir hafa smám saman verið að bæta inn í línu heima hjá sér, kannski var byrjað á stofunni og svo jafnvel bætt við rúmi og fallegum fylgihlutum.“

Telma segir að Ethnicraft-húsgögnin prýði mörg heimili, hótel og veitingastaði á Ísland. Líka bústaði á vegum stéttarfélaga sem hafi verið mjög sátt með endingu húsgagnanna. „Til marks um það byrja þau oft á einu húsi og enda svo á því að innrétta þau öll með húsgögnum frá Ethnicraft. Kosturinn við húsgögnin er líka sá að viðurinn er massívur og því er alltaf hægt að pússa og olíubera og þá verða þau eins og ný.“

„Reynslan af húsgögnunum er góð og viðskiptavinirnir ánægðir.“

AUGLÝSING


Húsgögnin þykja einnig tímalaus. Telma segir að það lýsi sér kannski best í einfaldri hönnun og mjúkum, fallegum línum í viðnum, sem ljái heimilinu bæði karakter og hlýleika. Ethnicraft kynni síðan reglulega til sögunnar nýjar útfærslur þannig að alltaf sé eitthvað nýtt og spennandi í gangi hjá fyrirtækinu.

„Ethnicraft heldur alltaf tryggð við harðviðinn en hefur líka komið inn með nýja sófa sem hafa vakið mikla lukku. N701-sófinn þeirra er hrikalega smart einingasófi sem hægt er að raða saman á marga vegu og fá í nokkrum litum.

Síðustu ár hafa líka bæst við alls konar fylgihlutir. Í fyrra fóru þau til dæmis að framleiða textíllínu; púða og teppi sem njóta sín vel í sófunum og árið 2017 hófu þau samstarf við fyrirtækið Notre Monde og hönnuðinn Dawn Sveitzer. Dawn hannar falleg munstur sem eru sett á bakka og sófaborð og hafa verið gríðarlega vinsæl hjá okkur. Fyrirtækið er í stöðugri vöruþróun og nýsköpun.“

Telma bendir á að nú séu tilboðsdagar í Tekk sem þýði að 20 prósent afsláttur sé af öllum húsgögnum frá Ethnicraft. Starfsfólk fyrirtækisins aðstoði við val á húsgögnum og fylgihlutum fyrir heimilið, vinnustaðinn eða hótel, en hægt sé að skoða alla línuna bæði á heimsíðunni www.ethnicraft.com og á www.tekk.is.

Tekk Company í samstarfi við Stúdíó Birtíng

Lestu meira

Annað áhugavert efni