- Auglýsing -
Ákveðið hefur verið að aflýsa Fjörugum föstudegi í Grindavík þetta árið. Ástæðan er að sjálfsögðu Covid.
Fram kemur á vef vf.is að ákvörðunin hefði verið tekin í samráði við fyrirtækjaeigendur við Hafnargötu í Grindavík en halda átti daginn 3. desember næstkomandi. Kemur þetta til vegna þeirra samkomutakmarkana sem eru í gildi fram til 8. desember. Þó munu fyrirtæki við götuna bjóða upp á góð tilboð þennan dag.
Fjörugur föstudagur hefur verið haldinn í um áratug en þá bjóða þau fyrirtæki sem eru við Hafnargötu í Grindavík upp á tilboð og kynningu á starfsemi sinni. Þá hafa einnig verið boðið upp á tónlistaratriði og má segja að ákveðin götuhátíðarstemmning ríki á þessum degi.