Fyrrverandi starfsmaður á skrifstofu Fjarðabyggðar segir að „lengi hafi gustað um“ fyrrum vinnustað hans og bætir því við að „gegnumtrekkurinn“ hafi varað yfir of lengi.
Í nýrri færslu á Facebook skrifar fyrrverandi starfsmaður á skrifstofu Fjarðabyggðar, um fyrrum vinnustað sinn og það ástand sem hann er í nú um stundir en Mannlíf hefur fjallað um vandræðagang í starfsmannamálum sem og önnur mál hjá sveitarfélaginu undanfarið. Í færslunni segist fyrrum starfsmaðurinn hafa samúð með þeim sem enn vinna hjá sveitarfélaginu segist afar ánægður að vera farinn annað. Færsluna má lesa hér að neðan.
„Lengi hefur gustað um fyrrum vinnustað minn, en gegnumtrekkurinn hefur verið viðvarandi allt of lengi. Hver starfsmaðurinn segir upp á fætur annars og meirihlutinn stingur höfðinu bara dýpra og dýpra í sandinn. Ég hef mikla samúð með því góða fólki sem enn er á vinnustaðnum, og ég veit að sumir eru þar af illri nauðsyn, þar sem ný tækifæri eru ekki á allra vegi, en öll þurfum við að hafa í okkur og á. Ég gæti ekki verið hamingjusamari að vera komin á nýjar slóðir, fjarri vinnustað þar sem skemmdasta eplið heldur á öllum trompunum og stendur í vegi fyrir öllum þeim breytingum sem nauðsynlegar eru til að gera bæði vinnustaðinn og samfélagið betra. Það er súrt að horfa á þetta úr fjarlægð og vita af samstarfsfólki í sárum sem hreinlega hefur ekki kost á að róa á önnur mið 