Fimmtán járngrindum stolið á Selfossi – Lögreglan óskar eftir upplýsingum

Hvorki meira né minna en fimmtán járngrindum var stolið frá húsbyggingu á Selfossi á dögunum. Steinklumparnir sem grindurnar stóðu í hurfu einnig.

Sunnlenska.is sagði frá málinu í dag. Þar kemur fram að járngrindunum, sem notaðar eru til að mynda til að girða af byggingarvæði, hafi verið stolið frá húsbyggingu í Breiðumýri á Selfossi fyrr í mánuðinum. Talið er að þjófnaðurinn hafi verið framinn á tímabilinu frá 18. til 21. mars.

Lögreglan á Suðurlandi óskar eftir upplýsingum um málið en hægt er að hafa samband við lögregluna í síma 444-2000 eða í tölvupósti á [email protected]