Hænur greindust með fuglaflensu á Reykjum – Ólíklegt að þær hafi smitað aðra alifugla

Fuglaflensa greind­ist í heim­il­is­hænum á bænum Reykjum á Skeiðum þann 15. apríl síð­ast­liðnum en sýnin voru rann­sökuð á Til­rauna­stöð­inni HÍ að Keldum. Var þetta stað­fest í gær.

Samkvæmt bb.is voru hæn­urnar með sjúk­dóms­ein­kenni sem bentu sterk­lega til að um fuglaflenslu væri að ræða. Þá hafði fuglaflensa greinst í hrafni nokkrum dögum áður en hann fannst dauður á bænum.

Sýnin verða send erlendis og rann­sökuð frekar, til að mynda skal rann­saka mein­virkni og má búast við nið­ur­stöðu í næstu viku.

Hænurnar eru taldar hafa smit­ast af villtum fuglum og er ólík­legt talið að þær hafi smitað aðra ali­fugla en Mat­væla­stofnun mun kanna það nánar. Mik­il­vægt er að eig­endur ali­fugla á svæð­inu fylgist náið með fuglum sínum og til­kynni tafa­laust til Mat­væla­stofn­unar ef sjúk­dóms­ein­kenni eða dauða ber að garði.

Ítrustu sótt­varna skal gætt er villtir fuglar eru hand­leiknir, hvort sem þeir eru dauðir eður ei en hræ skulu annað hvort látin vera eða fjar­lægð í plast­poka án þess að þau séu snert berum höndum.