Miðvikudagur 7. desember, 2022
-5.2 C
Reykjavik

Hafna ósk foreldra um aukinn skólaakstur: Börn í sveitinni geta illa stundað íþróttir og tómstundir

Helgarviðtalið

- Auglýsing -

Orðrómur

- Auglýsing -

Foreldrar barna í Eiða- og Hjaltastaðaþinghá fyrir austan, óskuðu eftir því að bætt yrði við skólaakstur svo börnin gætu tekið þátt í íþróttum og tómstundum. Var beiðninni hafnað.

Samkvæmt Austurfrétt var þessari beiðni hafnað og var það staðfest á fundi fjölskylduráðs Múlaþings í vikunni en bréf með óskum foreldranna barst sveitarfélaginu í ágústbyrjun. Byggir höfnunin á þeim reglum að skólaakstur skuli einungis fara fram við upphaf og lok hvers skóladags.

Snérust óskir foreldranna bæði um aukinn akstur svo börnin í sveitinni kæmust heim til sín þó þau tækju þátt í íþrótta- og tómstundastarfi eftir að skólatíma líkur, sem og að sveitarfélagið breytti formlegum skólaakstri á þessu svæði í almenningssamgöngur.

Austurfrétt segir að það að skólaakstur heyri undir fjölskylduráð á meðan almenningssamgöngur heyri undir umhverfis- og framkvæmdaráðs, flæki málið af hálfu Múlaþings. Fjölskylduráðið hefur þó ekki alfarið lokað á málið en það hefur nú falið fræðslustjóra Múlaþings að vinna samantekt á öllum skólaakstri í Múlaþingi, í kjölfar erindisins.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Í fréttum er þetta helst...

- Auglýsing -