Sunnudagur 4. desember, 2022
-2.2 C
Reykjavik

Hafró lokar starfsstöð sinni í Ólafsvík – Bauð starfsmanninum að segja sjálfur upp

Helgarviðtalið

- Auglýsing -

Orðrómur

- Auglýsing -

Ákveðið hefur verið að loka starfsstöð Hafrannsóknarstofnunarinnar í Ólafsvík. Starfsmanni stofnunarinnar þar bauðst að segja upp sjálfur.

Fram kemur í frétt Skessuhorns að starfsmanni Hafró í Ólafsvík hafi borist bréf um að loka ætti starfsstöðinni frá og með 1. janúar 2023, vegna uppsagnar á samningi um reksturinn. Kemur einnig fram í bréfinu að undirbúningur lokunarinnar sé þegar hafinn.

Tekið er fram í bréfinu að af þessari ástæðu sé starfsmanninum boðið starf á öðrum starfsstöðum Hafró en næsta útibú stofnunarinnar er á Hvanneyri. Um 135 kílómetrar vegalengd er þangar frá Ólafsvík og þarf að fara yfir fjallveg til að komast þangað. Að auki segir í bréfinu að ef starfsmaðurinn afþakki starf á annarri starfsstöð, sé litið á það sem uppsögn starfsmannsins. Virðist því um afarkosti að ræða en ekki er vitað hver réttur starfsmannsins sé til atvinnuleysisbóta ef hann segir sjálfur upp.

Segir Skessuhorn að vitað sér að bæjarstjórn sé ósátt við ákvörðun Hafró og sagði bæjarstjóri í samtali við miðilinn fyrir nokkru að blóðugt sé að fjármunir hverfi með þessum hætti úr samfélaginu. Enn verra sé að mönnum finnist sjálfsagt að fækka störfum út á landi.

 

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Í fréttum er þetta helst...

- Auglýsing -