Slökkvilið Brunavarna Árnessýslu hefur að undanförnu slökkt elda sem kviknað hafa í ruslagámum á Selfossi. Svo virðist sem brunavargur eða vargar séu lausir í bænum.
Klukkan 4, aðfaranótt laugardags síðastliðinn var Slökkvilið Brunavarna Árnessýslu kallað út á Selfossi vegna elds í ruslagámi við Tryggvagötu. Kom þetta fram á Sunnlenska.is.
Gámurinn sem um ræðir er stór plastgámur en það lokaði ansi glatt í honum er viðbragðsaðilar mættu á staðinn. Voru slökkviliðsmenn fljótir að slökkva eldinn en þegar starfi þeirra var að ljúka í Tryggvagötunni barst þeim önnur tilkynning. Hafði þá verið búið að kveikja í ruslagámi við Vallaskóla.
Í dagbók lögreglunnar segir að ljóst sé að upptök eldsins séu af mannavöldum og er óskað eftir því að þeir sem kunna að búa yfir upplýsingum um málið, láti lögregluna vita.
Í október bárust fleiri útköll af svipuðu meiði og þau sem talað er um hér að ofan. Töluvert tjón varð er ruslageymsla við Tryggvagötu 36 varð eldi að bráð í lok október en einnig hafði verið kveikt í ruslagámnum við Vallaskóla.