Enn er lögreglan engu nær um örlög Gunnars Svans Björgvinssonar, þrátt fyrir mikla leit viðbragðsaðila á Eskifirði og nágrenni. Leit af Gunnari hófst formlega 8. mars en þá hafði hann verið týndur í yfir 10 daga.
Fram kemur í frétt Austurfréttar að hvarf Gunnars hafi fallið í skuggann af hamförum síðustu vikna fyrir Austan en hans hefur verið saknað síðan 24. febrúar er hann sást síðast við heimili sitt á Eskifirði. Þrátt fyrir það hófst leit að honum ekki fyrr en tveimur vikum síðar. Fjörur og fjalllendi hafa verið kembt af björgunarsveitum á breiðu svæði. Þá hefur verið leitað á hafi úti með bátum og köfurum. Aukreitis hefur þyrla frá Landhelgisgæslunni leitar úr lofti en engan árangur hefur leitin borið enn sem komið er.
Austurfrétt hefur eftir lögreglunni að enginn grunur leiki á að hvarf Gunnars hafi borið að með saknæmum hætti.