Héraðssaksóknari hefur hætt rannsókn á vinnubrögðum lögreglu við skotárás í Dalseli í lok ágúst síðastliðnum.
Maður á fimmtugsaldri réðist í hús við Dalsel á Egilsstöðum að kvöldi 26. ágúst þar sem hann skaut úr byssum sínum, bæði innan húss og utan. Skotin hæfðu hús og bíla í nágreninu. Þá ógnaði hann tveimur drengjum sem voru á heimilinu sem hann réðinn inn á. Að lokum skaut hann að lögreglunni sem skaut hann og særði. Var lífi hans bjargað með aðgerð á Landspítalanum.
Sjá einnig: Byssumaðurinn á Egilsstöðum ákærður – Er í gæsluvarðhaldi til 30. nóvember
Samkvæmt frétt Austurfréttar, hóf embætti héraðssaksóknara strax rannsókn á árásinni sjálfri sem og vinnubrögðum lögreglu þetta umrædda kvöld. Hefur rannsóknin á árásinni leitt til ákæru en rannsóknin á vinnubrögðunum verið hætt eins og fyrr segir.
Friðrik Smári Björgvinsson, aðstoðarsaksóknari hjá héraðssaksóknara segir í samtal við Austurfréttir að við rannsókn embættisins hafi ekkert komið fram sem gefið hafi til kynna refsiverða háttsemi af hálfu lögreglu. Hafi því sá hluti málsins verið látinn niður falla.