Þriðjudagur 18. janúar, 2022
1.8 C
Reykjavik

Óboðlegt að notast við Baldur áfram

Helgarviðtalið

- Auglýsing -

Orðrómur

- Auglýsing -

Nýlega sendi Vegagerðin frá sér tilkynningu er varðaði ferjusiglingar yfir Breiðafjörð. Kom þar fram að niðurstaða stofnunarinnar væri sú að áfram skuli notast við núverandi skip til ferjusiglinga yfir Breiðafjörðinn, á meðan samningur um þjónustu er enn í gildi. Þá skuli huga að endurnýjun ferjumannvirkja. Þar kemur einnig fram að ekkert skip hafi fundist sem uppfylli þær kröfur sem fram hafa verið settar.

Samkvæmt frétt bb.is, tók samráðsnefnd Tálknafjarðar og Vesturbyggðar málið fyrir í vikunni sem leið. Eftirfarandi bókun var gerð á fundinum:

„Samráðsnefnd telur ákvörðunina algjörlega óásættanlega og kallar eftir skýrum svörum frá Vegagerðinni um hvernig öryggi farþega Baldurs sé tryggt og hvert viðbragðið sé verði samskonar óhöpp og urðu í júlí 2020 og mars 2021 þar sem Baldur varð vélarvana á leið sinni um Breiðafjörð.

Bæjarstjóra Vesturbyggðar og sveitarstjóra Tálknafjarðarhrepps falið að kalla eftir svörum frá Vegagerðinni og leggja fyrir á næsta fundi samráðsnefndar.“

Við fréttina skrifar Haraldur nokkur áhugaverða athugasemd og kemur með fróðlega spurningu. „Hefur farið fram skoðun á ástæðum þess að Baldur varð vélarvana? Í ljósi þess að kallað er eftir svörum hvernig öryggi farþega sé tryggt væri ekki úr vegi að skoða þau 60-100 tonn af eldislaxi sem eru gjarnan í lestinni. Er vélabúnaður skipsins undir slíkan farm búinn?“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Í fréttum er þetta helst...

- Auglýsing -