Rebekka hætt sem bæjarstjóri Vesturbyggðar – Steytti á launakjörum

Rebekka Hilmarsdóttir hefur látið af störfum sem bæjarstjóri í Vesturbyggð en hún hefur sinnt því starfi frá árinu 2018.

Samkvæmt Bæjarins bestu var samþykkt á fundi bæjarstjórnar þann 9. júní að Rebekka gengdi starfinu áfram þar til gengið hefði verið frá ráðningu bæjarstjóra. Fól bæjarstjórn bæjarráði umboð til að ráða bæjarstjóra og staðfesta ráðningasamning.

Jón Árnason, forseti bæjarstjórnar sagði við bb.is að ekki hafi náðst samkomulag við Rebekku og að steytt hafi meðal annars á launakjörum. Gerður Sveinsdóttir, sviðstjóri fjármála- og stjórnsýslusviðs er staðgengill bæjarstjóra á meðan leitað er að nýjum.

Sjá einnig: Laun íslenskra bæjarstjóra – Best í heimi!