Sunnudagur 4. desember, 2022
-1.2 C
Reykjavik

Rottugildrur settar upp í Neskaupstað: „Til að vera bæði með belti og axlarbönd“

Helgarviðtalið

- Auglýsing -

Orðrómur

- Auglýsing -

„Það var tilkynnt um dauða rottu nálægt hafnarsvæðinu í Neskaupstað og við tókum þá ákvörðun að fá meindýraeyði til að setja upp gildrur þar í kring svona til að vera bæði með belti og axlarbönd,“ segir Aron Leví Beck, skipulags- og umhverfisfulltrúi hjá Fjarðabyggð í samtali við Austurfrétt.

Talið er líklegt að rottan hafi komið úr erlendu skipi sem nýverið lagðist að bryggju við Síldarvinnsluna. Hræið var sent til rannsóknar hjá Náttúrustofu Austurlands til að kyngreina það og athuga hvort rottan hafi verið kynþroska því ef svo er, er möguleiki á að hún hafi fjölgað sér. Niðurstöður rannsóknarinnar liggja ekki fyrir enn.

Aron segir í samtalinu við Austurfrétt að það sé vel þekkt vandamál að meindýr komist úr skipum og upp á land er skipin sigla á milli landa og þekkjast slík dæmi Austanlands. Segist hann sjálfur ekki hafa of miklar áhyggjur.

„Við töldum rétt að það það væri gott að grípa til aðgerða því það er betra en aðhafast ekkert. Í kjölfarið kem ég til með að heyra í þeim fyrirtækjum í Fjarðabyggð sem eru í hafnsækinni starfsemi varðandi að setja upp aðbúnað hjá sér til að verjast því að meindýr komist í land. Þetta var, skilst mér, alltaf gert hér áður fyrr en svo hefur eitthvað dregið úr því síðan.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Í fréttum er þetta helst...

- Auglýsing -