- Auglýsing -
Tillaga um sameiningu Eyja- og Miklaholtshrepps og Snæfellsbæjar var felld í gærkvöldi eftir íbúakosningu sem fram fór í gær.
Í Eyja- og Miklaholtshreppi var kjörsókn tæp 75%. Alls greiddu 62 atkvæði, þá voru 20 þeirra með sameiningu en meirihlutinn var á móti, eða 41. Einn kjörseðill var merktur ógildur.
Atkvæði í Snæfellsbæ skiptust nánast í tvennt, en þar greiddu 412 íbúar atkvæði, 207 með sameiningu en 201 á móti. Auðir seðlar voru fjórir og kjörsókn í Snæfellsbæ var 35%.
Því verður ekki af sameiningu Snæfellsbæjar og Eyja- og Miklaholtshrepps.
Þetta tilkynntu kjörstjórnin í sveitarfélögunum í gærkvöldi.