Sjóður til minningar um Sigurlás Þorleifsson, fyrrverandi skólastjóra Grunnskóla Vestmannaeyja, hefur verið stofnaður en í apríl voru liðin fimm ár frá andláti hans.
Fram kemur í fréttavefnum Tígull að það er fjölskylda Sigurlásar sem stendur að stofnun sjóðsins en það er skólastjóri Grunnskóla Vestmannaeyja sem verður með vörslu og umsjá sjóðsins.
Síðastliðin fimm ár hefur fjölskylda Sigurlásar gefið peningagjöf við útskrift 10. bekkjar, til þeirra nemenda sem sýnd hafa mestar framfarir í námi og í einhver skipti til sigurvegara upplestrarkeppninnar í 7. bekk.
Hugsar fjölskyldan þennan sjóð sem stuðning við það góða starf sem fram fer í grunnskólanum og er öllum frjálst að setja framlag í sjóðinn.
Hér má finna reikningsupplýsingar:
0133-15-3783
Kt. 681088-7339