Föstudagur 20. maí, 2022
8.8 C
Reykjavik

Skálavarðahús rís í Vöðlavík: „Bendir allt til að aðsókn þetta sumarið verði með því allra mesta“

Helgarviðtalið

- Auglýsing -

Orðrómur

- Auglýsing -

Nýtt skálavarðahús hefur verið reist í Vöðlavík í Fjarðabyggð. Fjarðabyggð veitti Ferðafélagi Fjarðamanna styrk upp á hálfa milljón króna vegna byggingar hússins í hinni fögru Vöðlavík.

Bygging skálans sjálfs er samkvæmt Austurfrétt, því sem næst lokið með hjálp nemenda í Verkmenntaskóla Austurlands sem smíðað hafa húsið sem part af náminu.

„Þetta er náttúrulega formlega orðið friðland þannig að þörfin á skálaverði þarna öllum stundum er mikil enda bendir allt til að aðsókn þetta sumarið verði með því allra mesta,“ segir Kamma Dögg Gísladóttir hjá Ferðafélagi Fjarðamanna í samtali við Austurfrétt.

Segir Kamma skálann breyta öllu því illa hafi gengið að ráða fólk til starfa til skálavörslu í Vöðlavík vegna aðstöðuleysis. Nú sé allt annað uppi á borðum, nú þegar ljóst er að skálaverðir fái gott skjól undir sig. Á augabragði hafi tekist að ráða í störfin en margir voru um hituna.

„Við munum svo flytja húsið á staðinn um miðjan júní eða svo, koma því fyrir og svo gerum við ráð fyrir að starfsemin hefjist svona um mánaðarmótin júní, júlí. Það var töluverð aðsókn á síðasta sumri á staðinn en nú sýnist mér ljóst að mun fleiri ætli sér að skoða Vöðluvík en fyrri ár.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Í fréttum er þetta helst...

- Auglýsing -