Frystitogarinn Tómas Þorvaldsson GK-10 kom til hafnar í Grindavík í fyrradag. Samkvæmt Sigurði Jónssyni skipstjóra var skipið við veiðar í um þrjátíu daga úti fyrir Suðurlandi og á Vestfjarðamiðum. Þá segir hann að þrátt fyrir nokkuð rysjótt veður hafi verið hægt að veiða alla dagana.
Fram kemur í frétt VF.is að togarinn hafi verið úti fyrir Suðurlandi að eltast við gulllax og það hafi fengist um 11.500 kassar af honum þar. Fyrir vestan fékkst svo blandaður afli, þorskur, ufsi og ýsa.
Samtals var aflinn 28.415 kassar eða um 700 tonn af frystum afurðum eða sem nemur um 1000 tonna afla upp úr sjó. Er aflinn sá stærsti hjá skipinu hingað til eftir að það kom inn í rekstur Þorbjarnar hf. Er aflaverðmæti farmsins um 323 milljónir.
Aflinn er í samtals 28.415 kössum sem telur um 700 tonn af frystum afurðum eða sem nemur um 1000 tonna afla upp úr sjó. Aflinn í þessari veiðiferð er stærsti farmur skipsins hingað til eftir að skipið kom inn í rekstur Þorbjarnar hf. Aflaverðmæti farmsins er um 323 milljónir.
Á VF.is segir að nú sé áhöfn Sigurður Jónssonar komin í kærkomið jólafrí en nú mun taka við skipinu Bergþór Gunnlaugsson og áhöfn hans, fyrir síðustu veiðiferð ársins.