Föstudagur 19. ágúst, 2022
9.8 C
Reykjavik

Tvær þýðingar hlutu hæstu úthlutun Gunnarsstofnunar – Aðventa kemur út á hebresku

Helgarviðtalið

- Auglýsing -

Orðrómur

- Auglýsing -

Þýðingar á bókum Gunnars Gunnarssonar hlutu hæstu úthlutun Menningarsjóðs Gunnarsstofnunar. Hlutu 400 þúsund krónur hvor.

Gunnar Gunnarsson

Í vor auglýsti Menningarsjóður Gunnarsstofnunar eftir umsóknum með sérstaka áherslu á list- og miðlunarverkefni tengd austfirskum menningararfi sem og verkefni tengd ritverkjum og ævi Gunnars Gunnarssonar. Þau verkefni sem stjórn sjóðsins ákvað að styrkja mest var annars vegar þýðing Aðventu yfir á hebresku til útgáfu í Ísrael og hins vegar norsk þýðing og útgáfa á 12 smásögum Gunnars Gunnarssonar. Hljóta verkefnin 400 þúsund króna styrk hvort.

Þá hlaut Hnikun, sem er bókverk tengt sýningu í Sláturhúsinu á Egilsstöðum, þar sem unnið er með sögu hússins, 300 þúsund krónur frá sjóðnum. Einnig hlaut verkefnið „Dwelling on the banks of Jökla“ – könnun á sambandi mannfólks og ómennskrar náttúru við Jöklu, 100 þúsund króna styrk. Að lokum veitir sjóðurinn Gunnarsstofnun einnig styrk vegna nýrrar miðlunar á Skriðuklaustri til að koma Ugga litla Greipssyni úr Fjallkirkjunni yfir í viðaukinn veruleika (AR)

Heildarúthlutun úr Menningarsjóði Gunnarsstofnunar þetta árið nemur 2,2 milljónir króna.

Menningarsjóður Gunnarsstofnunar var stofnaður árið 2013 af mennta- og menningarmálaráðuneytinu. Þriggja manna stjórn stýrir sjóðnum en samkvæmt skipulagsskrá er tilgangur hans tvíþættur: annars vegar að renna stoðum undir starfsemi Stofnunar Gunnars Gunnarssonar á Skriðuklaustri með árlegum framlögum til hennar; hins vegar að  styðja rithöfunda, listamenn, fræðimenn og námsfólk til verka er samræmast hlutverki Gunnarsstofnunar.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Í fréttum er þetta helst...

- Auglýsing -