2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Ekki berja menn í hausinn með hafnaboltakylfu

Í hverri viku tekur Mannlíf saman eftirminnileg ummæli. Óhætt er að segja að nokkrar sleggjur hafi fallið í vikunni.

„Kæri forsætisráðherra, fyrst þú fórst að kveðja Ok, má ég kannski bjóða þér að heilsa Ófeigsfjarðarheiði?“ – Elísabet Jökulsdóttir rithöfundur.

„Hvað þarf margar kannanir og upphrópanir til að meirihlutinn hætti að stinga hausnum í sandinn og horfist í augu við að hópur barna sem forðast skólann sinn fer stækkandi, barna sem sýna einkenni kvíða og depurðar sem rekja má beint til líðanar í skóla þar sem þau hafa ekki fundið sig meðal jafningja?“ – Kolbrún Baldursdóttir, borgarfulltrúi Flokks fólksins, baunar á borgarmeirihlutann fyrir að styðja hugmyndafræði Skóla án landamæra.

„Sama hvert málefnið er en það er þá hlutverk forystumanna flokksins, með sínu umburðarlyndi, lagni og stjórnvisku að sætta þessi sjónarmið. En ekki berja menn í hausinn með hafnaboltakylfu.“ – Óskar Magnússon athafnamaður segir flokksforystu Sjálfstæðisflokksins verða að lægja öldur innan flokksins vegna Þriðja orkupakkamálsins.

„Hverjir níðast svona á íslenskum neytendum? Jú, í ljós kemur að félagsmenn í FESK flytja inn tæp 90 prósent tollkvótans af svínakjöti og helming kvótans af alifuglakjöti. Það eru sem sagt hans eigin félagsmenn sem níðast á neytendum.“ – Ólafur Arnarson, fyrrverandi formaður Neytendasamtakanna, gagnrýnir Sigmar Vilhjálmsson, talsmann Félags eggja-, svína- og kjúklingabænda, fyrir að halda því fram að innflytjendur svíni á neytendum með því að hirða allan ábata af tollfrjálsum innflutningi matvæla.

AUGLÝSING


„Vinstri“-meirihluti borgarstjórnar virðist vera handbendi braskara þegar kemur að skipulags- og byggingarmálum.“ – Hjörleifur Stefánsson arkitekt lýsir frati á „háhýsabyggðina“ við Skúlagötu og segir hana skelfilega.

„Þegar Katrín Jakobsdóttir hagar dagskrá sinni ekki svo, að hún geti hitt varaforseta Bandaríkjanna og talað máli Íslendinga, er hún ekki að koma fram sem forsætisráðherra ÍSLANDS, heldur sem leiðtogi VINSTRI GRÆNNA.“ – Hannes Hólmsteinn Gissurarson, prófessor í stjórnmálafræði við Háskóla Íslands.

„Sem láglaunakona á íslenskum vinnumarkaði og sem fulltrúi láglaunakvenna verð ég að segja og stel þarna smá frá frægu kvóti Stephen Jay Gould: Ég hef töluvert minni áhuga á því hversu margar konur hafa risið til æðstu metorða í íslenski viðskiptalífi svo þær megi þar ríkja eins og stéttbræður sínir, auðmennirnir, heldur en því sjúka og viðstöðulausa óréttlæti og arðráni sem láglaunakonurnar verða fyrir.“ – Sólveig Anna Jónsdóttir, formaður Eflingar. Samkvæmt tekjublaði DV er Sólveig er með 900.000 í mánaðarlaun.

Ekki missa af þessum

Annað áhugavert efni

Nýjast á Mannlíf.is

Nýjast á Gestgjafanum