Jordan Peterson um slaufunarmenningu: „Þetta gera narsisistar, machíavelistar og siðblindingjar“

Slauf­un­ar­menn­ing er afsprengi and­fé­lags­legrar hegð­unar og per­sónu­leik­arask­ana að sögn
kanadíska sál­fræði­pró­fess­ors­ins Jordan Peterson sem sett­ist niður í podcastspjall með Frosta Logasyni þegar hann heim­sótti Ísland í síð­asta mán­uði.

Dr. Jordan B Pet­ers­son er heims­þekktur pró­fessor í sál­fræði sem hefur á und­an­förnum árum vakið mikla athygli fyrir bækur sínar og fyr­ir­lestra. Hann hefur þótt umdeildur, sér­stak­lega hjá ákveðnum kreðsum á vinstri vængnum sem virð­ast hafa miklar áhyggjur af því hversu margir vilji sækja fyr­ir­lestra hans hér á landi sem ann­ars staðar.
Þegar Peterson var spurður út í slauf­un­ar­menn­ingu, út frá sjón­ar­hóli sál­fræð­innar, sagði
hann fyr­ir­bærið eiga sér tvær megin and­fé­lags­legar rætur. Annars vegar liggji þær í ill­kvittni þeirra sem hafi unun af því að vera eyði­leggj­andi afl í umhverfi sínu og hins vegar spretti þær upp úr lúm­sk­ari þætti sem snýr að því hvernig fólk vilji blása upp eigið orð­spor með lít­il­lækkun ann­arra.
Jordan Peterson leggur í við­tal­inu áherslu á að orð­spor sé verð­mæt­asti eig­in­leiki sem nokkur mann­eskja geti búið yfir. Gott orð­spor gefi til kynna að fólki sé treystandi og getur þannig haft úrslita áhrif á afkomu og stöðu við­kom­andi. Þetta segir Peterson leiða til þess að eyði­leggj­andi öfl vilji spila á orð­spor­s­kerfin.

„Þetta gera nars­isistar, machíavelistar og sið­blind­ingjar“ segir Peterson.
Slauf­un­ar­menn­ing sé síðan meira kven­leg teg­und af and­fé­lags­legri hegðun á meðan
and­fé­lags­legir karlar séu gjarn­ari á að beita lík­am­legu ofbeldi. „Konur geta ekki keppt við karla á lík­am­lega svið­inu, en þær hafa sínar eigin myrk­ari leiðir til að beita ofbeldi, og þær stela orð­spori. Og margar þeirra eru mjög góðar í því,“ segir Jordan Peterson að lokum.

Viðtal Frosta við hann er að finna hér.