Harmleikur í Slippnum þar sem tveir ungir menn létust: Ragnar fellst ekki á að þetta sé sjálfsvíg

Ragnar Kristján Agn­ars­son hefur í ára­tugi barist fyrir því að and­lát bróður hans verði rann­sakað aftur. Bróðir Ragnars, Einar, fannst lát­inn ásamt Sturlu Lambert Steins­syni í bif­reið við Dan­í­els­slipp í Reykja­vík árið 1985. Nið­ur­staða rann­sókn­ar­innar var sú að þeir hefðu svipt sig lífi með því að tengja slöngu við púströr bif­reið­ar­innar og sett hana inn í bíl­inn í gegnum hlið­ar­rúðu. Þeir hafi sem sagt lát­ist af koltví­sýr­ingseitrun. Þetta telur Ragnar að stand­ist ekki skoðun. Hann segir sögu bróður síns í við­tali við Hildi Maríu.

Í við­tal­inu boðar Ragnar nýjar upp­lýs­ingar sem aldrei hafa litið dags­ins ljós fyrr.

„Þriðji maður. Það var grunur og hefur alla tíð verið grunur um hann og við vitum hver hann er í dag án þess að það sé ástæða til að nafn­greina eða aðhaf­ast við hann. Það er bara þannig ástand hjá honum að okkar mati og langt um liðið og hann faðir barns eða barna. Þannig að við aðstand­end­urnir höfum ekki viljað hreyfa við honum,“ segir Ragnar í við­tali við Hildi Maríu Sæv­ars­dóttur.

Sjá einnig: Tveir fund­ust látnir í bíl við Slippinn