Birgir Örn mun stýra útibúi Píeta á Akureyri: „Píetamaður inn að hjarta“

Efnisorð

Deila

- Auglýsing -

Píetasamtökin munu færa út kvíarnar í sumar og opna sitt fyrsta útibú á landsbyggðinni. Það hefur verið á stefnuskrá samtakana frá upphafi að opna Píetahús í öllum landsfjórðungum og verður fyrsta skrefið að því tekið á Akureyri 1. júlí.

Birgir Örn Steinarsson, sálfræðingur hjá Píetasamtökunum og listamaður, mun sinna stöðu forstöðumanns á Akureyri. Birgir Örn hefur starfað sem sálfræðingur fyrir Píeta í um þrjú ár, nánast frá opnun samtakanna. Hann gegndi einnig tímabundið stöðu fagstjóra samtakanna eða þar til Þórunn Finnsdóttir sálfræðingur tók við í febrúar á þessu ári. Á Norðurlandi er hópur sjálfboðaliða sem hefur sinnt ötulu starfi í tengslum við hinar árlegu göngur.

„Birgir er Píetamaður inn að hjarta og á eftir að vinna gott starf fyrir íbúa Norðurlands, það er ég fullviss um,“ segir Kristín Ólafsdóttir, framkvæmdastjóri Píeta. „Þörfin fyrir þjónustu samtakanna er allsstaðar og höfum við mætt mikilli velvild og stuðningi frá Akureyrarbæ í tengslum við undirbúningsvinnuna. Því var ákveðið að opna útibú á Akureyri.”

Píeta samtökin á Íslandi eru forvarnarsamtök gegn sjálfsvígum og sjálfskaða sem starfa eftir hugmyndafræði samnefndra samtaka á Írlandi. Þau bjóða fólki 18 ára og eldri sem glíma við sjálfsvígshugsanir upp á aðstoð frá fagfólki án endurgjalds. Einnig er þeim sem hafa misst ástvin eða búa með einstaklingi í sjálfsvígshættu boðið upp á stuðning. Píetasíminn er opinn allan sólarhringinn 5522218. Píeta eru félagasamtök sem rekin eru alfarið á styrkjum þar sem öll innkoma fer í starfssemina sjálfa. Tekist hefur að tryggja rekstur Píeta á Akureyri í 12 mánuði.

Fólk með sjálfsvígshugsanir getur leitað til Píeta samtakanna, þar er síminn 552-2218 opinn allan sólarhringinn og vefsíðan www.pieta.is.
Einnig er minnt á Hjálparsíma Rauða krossins, 1717, og netspjallið. 

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 
- Auglýsing -

Orðrómur

Helgarviðtalið

Lestu meira

Nýtt í dag

Í fréttum er þetta helst...

Mest lesið í vikunni

- Auglýsing -