Bútasaumsverk sem virðast iða á veggnum

Nýlega var opnuð í Listasal Mosfellsbæjar sýningin Teppi á veggnum. Listakonan Randa Mulford er bandarísk en hefur sterk tengsl við Ísland og Mosfellsbæ.

Randa er einstakur textíllistamaður og sérhæfir sig í bútasaumslist.

Í verkunum blandar Randa saman ýmsum aðferðum og þenur út þetta óvenjulega listform til hins ýtrasta. Niðurstaðan verður bæði ótrúlega nákvæm fígúratíf verk og flókin mynsturverk sem virðast iða á veggnum.

Verk Röndu hafa hlotið víðtæka viðurkenningu á bútasaumssýningum víðsvegar um Bandaríkin og unnið til margra virtra verðlauna.

Sýningin er opin virka daga kl. 12-18 og á laugardögum kl. 12-16, síðasti sýningardagur er 5. júlí. Aðgangur er ókeypis.

Ekki missa af þessum

Annað áhugavert efni

Nýjast á Mannlíf.is