„Fylgdu hjartanu, ekki hjörðinni“

Hjördís Dalberg eða Dísa, eins og hún er alltaf kölluð, segir sögu sína í Vikunni að þessu sinni. Fyrrverandi kærasti hennar réðst inn til hennar um nótt og hún slapp við illan leik.

 

Þetta atvik varð til þess að Hjördís ákvað að takast á við ótta sinn við álit annarra, tilhneigingu sína til að þóknast öðrum og hafna kröfunni um að virðast sterk og fela skömm.

Í dag starfar hún sem hugarfarsþjálfi og hjálpar konum að hafa trú á sér og framkvæma út frá hjartanu. Þetta er hollur boðskapur á tímum glansmynda á samfélagsmiðlum.

Við kynnum líka Örnu Atladóttur fatahönnuð en hún hannaði og saumaði eigin brúðarkjól að stórum hluta í höndunum. Hún er frumleg og framsækin í hönnun sinni og notar m.a. mannshár til að skreyta flíkur.

AUGLÝSING


Hallfríður María Pálsdóttir, hómópati og höfuðbeina- og spjaldhryggjarmeðferðaraðili, á fjölbreytt áhugamál og hefur frá mörgu að segja. Sú stórmerka kona spjallar vítt og breytt í Vikunni að þessu sinni.

Auk þess er litið inn í Heilsustofnun NFLÍ í Hveragerði, á götutískuna í Reykjavík og nokkur af helstu trendum hausttískunnar.

Spennandi og stórskemmtileg Vika væntanleg í verslanir á morgun.
Tryggðu þér áskrift að Vikunni í vefverslun

Ekki missa af þessum

Annað áhugavert efni

Nýjast á Mannlíf.is