- Auglýsing -
Þáttaröðin Eurogarðurinn hefst á Stöð 2 þann 27. september og nú hefur fyrsta stiklan úr þáttunum verið birt. Þættirnir eru átta talsins og gerast í Húsdýragarðinum.
Eurogarðurinn fjallar um drykkfelldan miðaldra braskara með vafasaman viðskiptaferil sem kaupir Húsdýragarðinn en karakterinn er leikin af Jóni Gnarr. Hann hefur stórkostlegar hugmyndir um framtíð garðsins, sem hann kallar Eurogarðinn, og sér fyrir sér að garðurinn nái sömu stærð og Disney-World.
Arnór Pálmi Arnarson leikstýrir en Glassriver er framleiðandi þáttanna. Með helstu hlutverk fara Jón Gnarr, Anna Svava Knútsdóttir, Auðunn Blöndal, Steindi Jr. og Dóri DNA.
Hægt er að horfa á stikluna úr Eurogarðinum í spilara Vísis.
- Auglýsing -