Hamingjan gripin með báðum höndum

Sigríður Eyþórsdóttir kórstjóri og organisti í Borgundarhólmi geislar af hamingju og lífsorku á forsíðu Vikunnar að þessu sinni. Sigga, eins og hún er alltaf kölluð, er nýbúin að gera miklar breytingar á lífi sínu flutt úr stórborginni út í náttúruparadís í Eystrasalti.

Fyrir rúmi ári fór Sigga að spjalla við æskuvin sinn á Facebook, hann búsettur á Spáni en hún í Danmörku og úr varð eldheitt ástarsamband. Sigga segir þetta afsanna þá kenningu að eftir fertugt liggi lífið niður á við.

Svandís Dóra Einarsdóttir leikkona, segir frá hestunum sínum og þeirri slökun sem finna má í íslenskri náttúru.

Vikan lítur einnig inn á listasýningu í Listasal Mosfellsbæjar þar sem tvær ungar myndlistarkonur túlka skáldskap Huldu eða Unnar Benediktsdóttur Bjarklind.

Nokkrir Íslendingar spjalla um kaffibollann og gildi hans fyrir vellíðan fólks, sagt er frá Margaret Mitchell konunni sem skapaði Scarlett O‘Hara og Rhett Butler og ótal margt fleira ber á góma í skemmtilegu og fróðlegu blaði sem kemur í verslanir á morgun.

AUGLÝSING


Mynd / Unnur Magna

Tryggðu þér áskrift að Vikunni í vefverslun

Ekki missa af þessum

Annað áhugavert efni

Nýjast á Mannlíf.is