2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

    Hjónabandið er byrjunin

    Hjónabandið er byrjunin og ástin vefur fjölbreytt mynstur í þann vef sem samlíf hjóna er.

    Brúðkaupsblað Vikunnar er stórt og veglegt. Þar er velt upp mörgum hliðum á undirbúningi, veisluhöldum og öðru er fylgir því að tveir einstaklingar taka saman og lofa að styðja hvern annan gegnum lífið.

    Sagt er að sumar stúlkur láti sig dreyma um brúðkaupsdaginn sinn frá unga aldri og séu með hann fullkomlega skipulagðan löngu áður en nokkur brúðgumi er fundinn. Þannig var það ekki með ritstjóra Vikunnar. Hún leiddi aldrei hugann að því hvort hún ætti eftir að gifta sig eða ekki. Fann þó fljótt að umhverfið gerði ráð fyrir að svo yrði, enda sagði mamma hennar reglulega að smáskurfur og meiðsl myndu gróa áður en dóttirin gifti sig. Brúðkaup hennar var með einfaldasta móti en hefði hún vitað af öllum þeim möguleikum er fjallað er um í nýja blaðinu er aldrei að vita nema valið hefði verið öðruvísi og umgjörðin glæsilegri.

    Þetta fallega blað verður til sölu lengur en önnur tölublöð Vikunnar en um að gera að tryggja sér eintak sem fyrst.

     

    AUGLÝSING


    Myndir/Aldís Pálsdóttir
    Stílísering og hár/ Hildur Friðriksdóttir
    Förðun á forsíðu Vikunnar/Helen Dögg Snorradóttir með MAC
    Förðun á brúði/Björg Alfreðsdóttir YSL
    Fyrirsætur/Björg og Ylfa frá Dóttir Management

     

     

    Ekki missa af þessum

    Annað áhugavert efni

    Nýjast á Mannlíf.is