2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

    Lífleg og spennandi Vika kemur í verslanir á morgun

    Á forsíðu nýjustu Vikunnar er Kristín Einarsdóttir þjóðfræðingur. Hún er merkileg kona sem hefur sannarlega ekki farið hefðbundnar leiðir í lífinu. Sveitastúlka sem elskaði borgina en endaði svo með ástvini sínum á afskekktum bæ norður á Ströndum.

     

    Kristín er þjóðfræðingur, kennari, náttúruunnandi og margt fleira.

    Ýmislegt fleira spennandi leynist einnig í nýjasta tölublaði Vikunnar.

    Vikan minnir fólk á að vera til þegar vorið kallar og spjallar við tvær konur sem báðar hafa mikla ánægju af líkamsrækt.

    AUGLÝSING


    Edda Björk Skúladóttir nýtur þess að hlaupa langhlaup úti í náttúrunni. Hún segir þetta einstaka leið til að kynnast umhverfinu en hún heillaðist strax þegar eiginmaðurinn náði að draga hana út að hlaupa rétt eftir að hún renndi niður síðasta bitanum af sunnudagssteikinni.

    Uppskrift að þessari vegan-steik með rauðvinssósu er að finna í 19 tölublaði Vikunnar.

    Svava Sigbertsdóttir hefur hannað eigið líkamsræktarprógramm þar sem tekið er á jafnt andlegum sem líkamlegum þáttum. Svava hefur búið í London lengi og stundar þar einkaþjálfun en meðal kúnna hennar eru stórstjörnur á borð við Amöndu Holden og Nicole Scherzinger.

    Valdís Dröfn Pálsdóttir opnar fataskápinn sinn og sýnir lesendum uppáhaldsflíkurnar.

    Hinn magnaði Hlynur Þór Agnarsson er undir smásjánni og Rannveig Rúna Guðmundsdóttir Saari deilir uppskriftum að dásamlegum vegan-hversdagsmat.

    Að auki má nefna mjög áhugaverða grein um Jodie Comer sem slegið hefur í gegn í hlutverk Villanelle í Killing Eve. Þessir frumlegu og skemmtilegu þættir eru skrifaðir af Phoebe Waller-Bridge og mikið kvennaval kemur að gerð þeirra.

    Tryggðu þér áskrift að Vikunni í vefútgáfu hérna.

    Ekki missa af þessum

    Annað áhugavert efni

    Nýjast á Mannlíf.is