2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

    „Margt úr fortíðinni skreið upp að mér“

    Kynni þeirra Evu Bjargar Guðlaugsdóttur og Guðbjörns Jóhanns Kjartanssonar, Bubba, byrjuðu fyrir ótrúlega tilviljun. Þau eiga bæði erfiða lífsreynslu að baki. Bróðir Evu, Gunnar Steinn, lést úr krabbameini árið 2016 og Bubbi greindist með illkynja krabbamein árið 2018. Hann segir þó að draugar fortíðar hafi verið erfiðari að glíma við en krabbameinið og hann hafi í æsku orðið vitni að hlutum sem ekkert barn eigi að þurfa að upplifa.

    Þetta unga fólk kynntist í ferð á vegum Krafts, félags ungs fólks með krabbamein og aðstandenda þeirra. Bubbi ætlaði ekki í ferðina en ákvað á síðustu stundu að fara en Eva Björg verið of sein og allt því orðið fullbókað. Þegar forföll urðu fékk hún upphringingu og boð um að nýta sér það. Þau töluðu mikið saman í ferðinni og hafa verið óaðskiljanleg síðan. Bubbi á að baka erfiða æsku en barátta hans við krabbamein færði honum heim sanninn um að hægt er að velja sér fjölskyldu í formi vini.

    „…ég reyndi að líta á þetta sem verkefni frekar en veikindi, en auðvitað fannst manni þetta hundfúlt.“

    „Ég reyni ekki að halda því fram að krabbameinið hafi ekki verið neitt mál en margt úr fortíðinni skreið upp að mér á þessum tíma sem tók eiginlega meira á mig. Ég talaði mikið um krabbameinið og fannst það hjálpa heilmikið, ég reyndi að líta á þetta sem verkefni frekar en veikindi, en auðvitað fannst manni þetta hundfúlt.“

    Eva og Bubbi eru á forsíðu Vikunnar sem kemur í verslanir á morgun.

    AUGLÝSING


    Auk þeirra tveggja og magnaðrar sögu þeirra er í blaðinu viðtal við Evu Örnu Ragnarsdóttur snyrtifræðing, svæðanuddara og heilara. Hún hefur kynnt sér vinsælt andlitsnudd og bætt við ýmsu frá sjálfri sér þannig að úr verður heilstæð meðferð sem bókstaflega þurrkar áhyggjurnar og streituna úr andlitinu. Eva Arna hefur einnig mikinn áhuga á Shaman-heilun og kemur inn á hana í viðtalinu.

    Inga Dagný Eydal lýsir aðdragandanum að því hún endaði í kulnunarástandi og talar um bók sína Konan sem datt upp stigann.

    Tinna Sverrisdóttir hlustaði á innsæi sitt og afraksturinn var Andagift – súkkulaðisetur en þar er fer fram áhugaverð mannrækt.

    Vikan hitti líka tónlistarmanninn Einar Ágúst Víðisson, Sigríði Bachman ljósmyndara, Katrínu Jónu Grétarsdóttur og Ólöfu Þórhallsdóttur lyfjafræðing. Einar Ágúst segir frá því sem er framundan hjá honum, Sigríður segir frá áhugaverðri ljósmyndatækni sem hún hefur þróað, Katrín Jóna sýnir fallegar vörur sem hún vinnur úr ullarflóka og Ólöf talar um mígerni.

    Kíkt er á fallegar páskaskreytingar og gefin er prjónauppskrift að fallegu barnateppi. Þetta er fallegt og vorlegt páskablað stútfullt af frábæru efni sem kemur í verslanir á morgun, fimmtudag.

    Kaupa blað í vefverslun

    Lestu meira

    Annað áhugavert efni

    Nýjast á Mannlíf.is