2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

    Sækir innblástur í Íslendingasögur

    Hjalti Halldórsson er mikill sagnamaður og í starfi sínu sem kennari gat hann sjaldan stillt sig um að segja sögur. Undanfarin ár hefur hann þó skrifað sínar sögur og haldið sig, að mestu, við efnið í kennslustofunni.

    Skemmtilegt viðtal við Hjalta er í nýjustu Vikunni.

    Komnar eru út tvær bækur eftir hann. Af hverju ég? og Draumurinn. Fótbolti spilar hlutverk báðum.

    Er einhver sérstök ástæða fyrir því? „Hann spilar náttúrlega miklu stærra hlutverk í Draumnum en Af hverju ég? Það er nú engin sérstök ástæða fyrir því, þannig séð. Strákarnir mínir eru báðir í fótbolta og ég var það líka sem krakki. Draumurinn er innblásinn af Grettis sögu sem fjallar um gríðarlega metnaðarfullan einstakling með þráhyggju fyrir því að vinna afrek, vera mestur og bestur. Mér fannst því liggja beinast við að klæða aðalpersónu Draumsins í fótboltabúning og láta hana eiga sér þann draum að slá í gegn á fótboltavellinum, enda ef til vill eitthvað sem margir tengja við.“

    Hvert sækir þú helst innblástur í bækur þínar? „Ég hef hingað til sótt innblásturinn í Íslendingasögurnar,“ segir hann.

    Ég hef alltaf haft gaman af Íslendingasögunum.

    Fótbolti er í aðalhlutverki í þessari bók.

    AUGLÝSING


    „Þegar ég byrjaði að skrifa fékk ég það ráð að skrifa um eitthvað sem ég þekkti. Ég hef alltaf haft gaman af Íslendingasögunum og sagði til að mynda nemendum mínum oft frá þeim í misjafnlega gáfulegum útgáfum.

    Mér fannst svo áhugavert að skoða hvaða erindi þær eiga við okkur í dag. Af hverju ég? er innblásin af Egils sögu og Draumurinn Grettis sögu. Það er þó ekki þannig að lesandinn sé að lesa nútímaútgáfu af Íslendingasögunum heldur tek ég ákveðin þemu út úr þeim og nýti mér sem innblástur.“

    Ekki missa af þessum

    Annað áhugavert efni

    Nýjast á Mannlíf.is