Fimmtudagur 28. mars, 2024
3.8 C
Reykjavik

Segir höfund Harry Potter-bókanna ala á hatri

VefTv

- Auglýsing -

Hlaðvörp

- Auglýsing -

Ugla Stefanía Kristjönudóttir Jónsdóttir, formaður samtakanna Trans Ísland, segir að það sé þyngra en tárum taki að sjá rithöfund eins og J.K. Rowling sem njóti vinsælda um allan heim vegna bóka sem hafi verið skrifaðar með unga lesendur í huga, nota rödd sína og áhrif til þess að berjast gegn heilbrigðisþjónustu og réttindabaráttu sem snýst meðal annars um að auka lífsgæði og vellíðan ungmenna í samfélaginu.

J.K. Rowling hefur haldið fram á samfélagsmiðlum að lífræðileg kyn sé eingöngu tvö, karlar og konur, sem hefur leitt til þess að rithöfundurinn hefur verið sökuð um hatur í garð trans fólks. „Rowling hefur meðal annars fært rök fyrir því að trans konur eigi ekki að fá aðgengi að kvennaskýlum eða þjónustu sem er beint að konum í ljósi þessa,“ bendir Ugla á, en hán er ein þeirra sem hefur gagnrýnt Rowling harðlega fyrir málflutning sinn.

„Hún segir að sem þolandi kynferðisofbeldis vilji hún ekki að fólk í „karlmannslíkama“ nýti sér sömu þjónustu og hún. Það þýði að hver sem er geti þóst vera kona til að fá aðgengi að þessari þjónustu.

Sem þolandi kynferðisofbeldis fengi ég þar af leiðandi ekki aðgengi að slíkri þjónustu ef Rowling hefði eitthvað um það að segja,“ segir Ugla.

„ROWLING HEFUR MEÐAL ANNARS FÆRT RÖK FYRIR ÞVÍ AÐ TRANS KONUR EIGI EKKI AÐ FÁ AÐGENGI AÐ KVENNASKÝLUM. HÚN SEGIR AÐ SEM ÞOLANDI KYNFERÐISOFBELDIS VILJI HÚN EKKI AÐ FÓLK Í „KARLMANNSLÍKAMA“ NÝTI SÉR SÖMU ÞJÓNUSTU OG HÚN.“

Slíkt sýnir bara að hún hefur mjög fordómafullar hugmyndir um trans konur, útlit þeirra og sömuleiðis hvernig þjónusta í kvennaskýlum virkar.

Það gengur nefnilega bara enginn inn í kvennaskýli og fær þar aðgengi án þess að fara fyrst í viðtal hjá fagfólki. Fyrir utan það hefur trans fólk nýtt sér slíka þjónustu í marga áratugi án vandkvæða og það er gríðarlega mikilvægt að það hafi áfram aðgengi að henni þar sem trans fólk á í aukinni hættu að verða fyrir kynferðisofbeldi.

- Auglýsing -

Þess vegna þakka ég fyrir að fagaðilar skuli vita betur og haldi áfram að veita trans fólki þessa nauðsynlegu þjónustu.“

Lestu viðtalið við Uglu í heild sinni hér.

Mynd / Sharon Kilgannon / Instagram

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -