2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

    Víkingur leikur Mozart

    Spennandi tónleikar í Hörpu í nóvember og desember.

    Fjölbreytt dagskrá er fram undan í Hörpu í nóvember og desember. Þar má nefna tónleika 30. nóvember þar sem á dagskrá verða píanókonsert Mozarts nr. 24 í c-moll og Ein Heldenleben (Hetjulíf), hljómsveitarverk Richards Strauss.

    Mozart samdi píanókonsertinn árið 1786 þegar hann stóð á hátindi frægðar sinnar, um sama leyti og Brúðkaup Fígarós varð til. Verkið er talið vera á meðal hinna bestu sem meistarinn festi á blað og er jafnframt eitt þeirra verka sem hvað mest áhrif höfðu á Beethoven. Víkingur Heiðar Ólafsson kemur til með að leika píanókonsertinn.

    Sinfóníuhljómsveit Íslands, undir stjórn Dima Slobodeniouk, flytur aftur á móti Ein Heldenleben sem er frá árinu 1898 en þar dregur Strauss upp mynd af sjálfum sér sem eins konar ofurmenni sem sigrast á mótlæti heimsins. Þessi stórbrotna tónsmíð hefur ekki heyrst á Íslandi í meira en áratug.

    Tónleikarnir verða haldnir í Eldborg, Hörpu, 30. nóvember klukkan 19.30.

    AUGLÝSING


    Mynd: Víkingur Heiðar Ólafsson leikur píanókonsert eftir Motzart.

    Ekki missa af þessum

    Engar færslur fundust.

    Annað áhugavert efni

    Nýjast á Mannlíf.is