Laugardagur 26. nóvember, 2022
3.1 C
Reykjavik

Föstudagskokteillinn – sumarlegur og svalandi

Helgarviðtalið

- Auglýsing -

Orðrómur

- Auglýsing -

Kokteilagerð hefur notið æ meiri vinsælda undan farin ár enda afar gaman að hrista sinn eigin kokteil og bera fram í fallegu glasi með klökum og skrauti. Hér er einn afar sumarlegur og viðeigandi kokteill á þessum árstíma en hann er úr rósavíni og jarðarberjum og hentar því vel sem fordrykkur í garðveislunni eða bara sem svalandi kokteill á pallinn.

 

Kaldur rósavínskokteill með jarðarberjum
fyrir 4-5

1 flaska (750 ml) rósavín
1 dl sykur
1 dl vatn
200 g jarðarber, snyrt og skorin í tvennt
1 dl nýkreistur greipaldinsafi

Hellið víninu í eldfast mót og setjið í frysti í 6 klst. eða yfir nótt. Setjið sykur og vatn í lítinn pott og náið upp suðu, sjóðið þar til sykurinn hefur leysts upp, tekur u.þ.b. 3 mín. Látið kólna þar til blandan hefur náð stofuhita og geymið svo inni í ísskáp. Setjið frysta rósarvínið í blandara ásamt sykursírópinu, jarðarberjum, greipaldinsafa og hnefafylli af klökum, blandið öllu saman í vélinni þar til vökvinn verður þykkur en þó kekkjalaus. Hellið í glerkönnu og setjið í kæli í 30 mín. svo að blandan þykkni. Blandið síðan aftur í blandaranum, skiptið á milli glasa og berið strax fram.

Uppskrift/Nanna Teitsdóttir
Stílisti/Hanna Ingibjörg Arnarsdóttir
Mynd/Heiðdís Guðbjörg Gunnarsdóttir

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Í fréttum er þetta helst...

- Auglýsing -