Kökur með kaffibragði eru óneitanlega svolítið notalegar. Maður þarf ekki að vera mikill kaffisvelgur til þess að kunna að meta mokkabragð í hnallþórunum
Marens með kaffikaramellu
fyrir 6-8
marensbotn
4 eggjahvítur
2 tsk. skyndikaffiduft
200 g sykur
salt á hnífsoddi
3 msk. kakó
ofan á
2 ½ dl rjómi, þeyttur
kaffikaramellukrem (sjá uppskrift neðar)
u.þ.b. 50 g pekanhnetur, gjarnan ristaðar
Hitið ofn í 140°C. Þeytið eggjahvítur og kaffiduft saman, bætið sykri saman við í litlum skömmtum og þeytið vel á milli. Setjið salt saman við og þeytið þar til blandan er stífþeytt og hreyfist ekki í skálinni sé henni hvolft. Bætið kakói varlega út í og setjið í bökunarklætt smelluform sem er 22-24 cm í þvermál. Bakið í 1-1 ½ klst., slökkvið þá á ofninum og látið marensinn kólna alveg inni í honum. Dreifið þeyttum rjóma og kaffikaramellusósu yfir botninn og látið gjarnan standa í kæli í nokkrar klst. þannig að botninn nái að mýkjast aðeins. Skreytið gjarnan með pekanhnetum eða súkkulaðispæni og berið restina af kaffikaramellusósunni fram með í skál.
kaffikaramellukrem
4 eggjarauður
150 g smjör
200 g sykur
1 espresso-bolli eða 4 msk. mjög sterkt kaffi
1 tsk. vanilludropar
Setjið allt saman í pott og bræðið saman við meðalhita, gætið þess að hræra stöðugt í með píski þar til kremið þykknar. Látið kólna alveg.
Umsjón / Kristín Dröfn Einarsdóttir
Myndir / Heiðdís Guðbjörg Gunnarsdóttir
Stílisti / Ólöf Jakobína Ernudóttir