Föstudagur 29. mars, 2024
-3.2 C
Reykjavik

Matarhátíðin Reykjavík Food Festival fer fram á laugardaginn

VefTv

- Auglýsing -

Hlaðvörp

- Auglýsing -

Matarhátíð Reykjavíkur, Reykjavík Food Festival, verður haldin nk. laugardag, 14. september, á Skólavörðustígnum.

 

Þetta er í áttunda sinn sem hátíðin er haldin en áður hét hún Reykjavík Bacon Festival en hefur þróast úr því að einblína á beikon og svínakjöt í hátíð þar sem allir geirar matvælaiðnaðarins eru velkomnir. Yfirskrift hátíðarinnar þetta árið er Úr flóa að fjalli. Hátíðin er unnin í samstarfi við Reykjavíkurborg og Samtök iðnaðarins auk fleiri aðila. Tekið verðu svolítið forskot á sæluna í dag þegar styrkþegar hátíðarinnar í ár verða kynntir á Nýlistasafninu í Marshallhúsinu út á Granda.

Heiðursgestur hátíðarinnar er meistarakokkurinn Dom Iannarelli frá Iowa í Bandaríkjunum en hann er eigandi veitingastaðanna Jethro’s BBQ og Splash Seefood í Des Moines. Hann mun bjóða samstarfsaðilum og veitingamönnum hátíðarinnar upp á kræsingar.  Dom verður einnig með veitingabás á hátíðinni á laugardaginn en þar mun hann útbúa verðlaunarétt úr nýafstaðinni heimsmeistarakeppni í chili-matseld.

Dagur B. Eggertsson borgarstjóri og Guðlaugur Þór Þórðarson utanríkisráðherra munu heiðra samkomuna með nærveru sinni auk þeirrra verða sendiherrar Bandaríkjanna og Japans. Glímukappar úr Ármanni munu sína fangbrögð, Reynir Jónasson mun þenja nikkuna og gestir geta einnig fylgst með myndskeiðum á sjónvarpsskjám úr íslenskum réttum.

Tólf veitingastaðir úr borginni munu raða upp veitingabásum á Skólavörðustíg og bjóða borgarbúum og nærsveitungum upp á kræsingar gegn vægu gjaldi. Fjórir miðar á 1.500 krónur. Eftirfarandi staðir taka þátt í hátíðinni.

Sjávargrillið
Loki
Krua Thai
Eldur og ís
Ostabúðin veisluþjónusta
Salka Vala
Fjárhúsið
Himalayan Spice Iceland
Block Burgers
Matarkjallarinn
Frystihúsið

- Auglýsing -

 

 

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -