Fimmtudagur 28. mars, 2024
0.8 C
Reykjavik

Matarmikil kjötbollusúpa með pasta

VefTv

- Auglýsing -

Hlaðvörp

- Auglýsing -

Allir kunna að meta góða súpu sem er líka ódýr kostur þegar metta á marga maga. Þessi súpa er bæði matarmikil og spennandi og tilvalinn í matinn í miðri viku.

 

Kjötbollusúpa með pasta

fyrir 6

2 laukar, saxaðir
3 hvítlauksgeirar
2 msk. olía
½ tsk. chili-flögur
500 g passata (maukaðir tómatar)
1 dós kjúklingabaunir, safi sigtaður frá
1 l vatn
2 grænmetisteningar
salt og pipar
1 dl matreiðslurjómi eða mjólk
250 g heilhveitipasta soðið eftir leiðbeiningum
á pakka
50 g parmesanostur
nokkur fersk basilíkulauf

Steikið lauk og hvítlauk upp úr olíu í rúmgóðum potti þar til það er laukurinn er mjúkur. Bætið chili, passata, kjúklingabaunum, vatni og grænmetisteningum út í og látið sjóða saman í 20 mín. Takið helminginn af kjúklingabaununum upp úr, maukið súpuna með töfrasprota eða í matvinnsluvél og setjið heilu kjúklingabaunirnar aftur saman við. Bragðbætið súpuna með salti og pipar, og e.t.v. örlitlu hunangi ef tómat-passata er sýrurík, og hellið matreiðslurjóma eða mjólk út í. Þynnið súpuna með svolitlu vatni ef þarf. Setjið soðið pasta út í súpuna. Ausið súpunni í skálar, setjið kjötbollur í hverja súpuskál og stráið parmesanosti yfir. Setjið ferskt basilíkulauf í hverja skál.

Kjötbollur
500 g nautahakk
1 egg eða ½ dl mjólk
3 msk. speltraspur, ljós brauðraspur eða 2 brauðsneiðar
1 tsk. tímían
½ tsk. rósmarín eða marjoram
1 tsk. paprika
salt og pipar
2 msk. olía

Blandið hakki, eggi, raspi, kryddi og salti saman og mótið bollur á stærð við valhnetur úr blöndunni. Steikið bollurnar upp úr olíu á pönnu í 5-8 mín.

- Auglýsing -

Umsjón / Sigríður Björk Bragadóttir
Stílisti / Ólöf Jakobína Ernudóttir
Mynd / Karl Petersson

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -