2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Lyfjaver býður góða þjónustu og gott verð: Happdrætti og afmælistilboð út september

Lyfjaver fagnar í september 20 ára afmæli en fyrirtækið var stofnað sem lyfjaskömmtunarfyrirtæki árið 1999. Á tveimur áratugum hefur fyrirtækið þróast og blómstrað hjá samhentum hópi starfsmanna sem margir hafa starfað hjá fyrirtækinu frá upphafi. Í dag er öll starfsemi á einum stað, að Suðurlandsbraut 22 þar sem apótek og verslun er opið alla virka daga og laugardaga, auk lyfjaskömmtunar. Lyfjaver þjónustar einstaklinga og stofnanir um allt land.

„Það gefur okkur mikinn styrk að vera öll saman á einum stað og þetta er einstakt fyrir fyrirtæki í smásölu lyfja,“ segir Hákon Steinsson, framkvæmdastjóri Lyfjavers, sem er einn af 55 starfsmönnum fyrirtækisins. Af þeim eru 17 lyfjafræðingar og 5 lyfjatæknar.

Hákon Steinsson, framkvæmdastjóri Lyfjavers.

„Lyfjaver var stofnað sem lyfjaskömmtunarfyrirtæki sem þjónustaði hjúkrunarheimili, en greinileg tækifæri voru á þeim markaði enda mikil vinna og tími sem fólst í handskömmtun á slíkum heimilum og stofnunum.. Fljótlega varð mikil eftirspurn eftir því að við skömmtuðum einnig lyf fyrir einstaklinga í heimahúsum. Þá bætti fyrirtækið við sig lyfsöluleyfi og krafa þess er að hafa opið apótek,“ segir Hákon og minnist þess að fyrst opnaði lítið apótek á hlið hússins og ávallt var þar fullt af viðskiptavinum. „Apótekið varð fljótt mjög vinsælt vegna afar góðs verðs og þjónustu.“

Áhersla á gott verð verð og gæðaþjónustu

AUGLÝSING


Þær vinsældir og markmið Lyfjavers í góðu verði og þjónustu hafa haldist þótt apótekið hafi vaxið verulega, bæði að stærð og í vöruúrvali. „Lyfjaver býður upp á vörur á lágu verði og við erum með heildsölu hér sem aðstoðar okkur við það. Við flytjum inn vörur, eins og til dæmis Vichy-kremin, Kyolic, Swanson-gæðavítamín og bætiefni og fleira,“ segir Hákon. „Það er mjög hófleg álagning hjá okkur á lausasölulyfjum og vörum í versluninni. Við höfum lagt upp úr því að vinsælustu vörurnar séu á extra lágu verði, eins og nikótínlyf, Benecta, Nutrilenk og fleiri vörur. Við komum stöðugt inn með nýjar vörur og sem dæmi má nefna að nýlega hóf Lyfjaver sölu á fallegum gæðafatnaði frá heildverslunni KÓSK, sem slegið hefur rækilega í gegn.

Heilsuver leggur áherslu á heilsuvörur og fæðubótarefni.

Heilsuver er sérverslun og er hluti af Lyfjaveri, þar er einblínt á heilsuvörur og fæðubótarefni, þar á meðal breitt úrval frá Swanson. Í september er 20% afsláttur af mörgum vörum. „Hér er boðið upp á hágæðaþjónustu sem skiptir miklu máli þegar komið er inn í slíka verslun og maður þarf ráðleggingar, ólíkt fæðubótarhillum stórmarkaðanna.“

Tölvustýrð lyfjaskömmtun

Fyrir innan verslunina slær hjarta Lyfjavers og uppruni fyrirtækisins stendur, sjálf lyfjaskömmtunin, þar sem vélar sjá um að skammta lyf í lyfjarúllur undir öruggri stjórn lyfjafræðinga og sérþjálfaðs starfsfólks. „Við þjónustum fjölda hjúkrunarheimila og einnig heilbrigðisstofnanir eins og Heilbrigðisstofnun Suðurlands, með lyfjaskammtanir og einnig öll önnur lyf sem ekki er hægt að skammta, svo sem stungulyf og innöndunarlyf,“ segir Hákon. Boðið er upp á að fá helstu vítamín og bætiefni með í lyfjarúlluna. Lyfjafræðilegt eftirlit er mjög mikilvægt en daglega berst inn mikill fjöldi breytinga á skömmtunum. Þá þarf að færa breytingar inn, þær eru tvíyfirfarnar af lyfjafræðingum og lyfjatæknum, en um 30% af lyfjaskömmtunum sem hjá okkur eru, breytast í hverjum mánuði,“ segir Hákon.

Happdrætti, afmælistilboð og viðburðir

„Í tilefni af afmælinu er happdrætti sem er áhugaverð nýjung þar sem við munum draga úr afgreiddum lyfseðlum og skömmtunum í september,“ segir Hákon. „Einnig er fjöldi tilboða í versluninni. Á föstudögum gerum við síðan extra vel við viðskiptavini okkar, í verslun er boðið upp á kaffi og með því. Einnig nýtur starfsfólk góðs af en viðburðir eru á hverjum föstudegi, enda á starfsfólkið verulegan þátt í að 20 ára afmælið er orðið að veruleika.

Lyfjamarkaðurinn er frekar fastheldinn og þróast hægt og bítandi en við erum í stöðugri þróun og stöðnum ekki,“ segir Hákon aðspurður um nýjungar fram undan hjá Lyfjaveri. „Við horfum til framtíðar hvað tæknimál varðar og leitumst við að minnka fjarlægðina til viðskiptavina okkar, sérstaklega þeirra sem búa fyrir utan höfuðborgarsvæðið. Við erum frumkvöðlar að upplagi og ætlum okkur að halda því áfram, hér starfar hópur af frjóu fólki með fullt af hugmyndum.“

Lyfjaver er til húsa að Suðurlandsbraut 22, Reykjavík. Apótek og verslun er opið frá kl. 8.30-18.00 virka daga, laugardaga kl. 10-14. Sími Lyfjavers er 533-6100 og netfangið [email protected] Heimasíða er lyfjaver.is.

Texti / Ragna Gestsdóttir

Ekki missa af þessum

Annað áhugavert efni