• Orðrómur

Veik fyrir gömlum bárujárnshúsum

Efnisorð

Deila

- Auglýsing -

Fasteignasali vikunnar

Vera Sigurðardóttir, löggiltur fasteignasali hjá fasteignasölunni Domusnova, er hrifin af hráu umhverfi, náttúrulegum litum og einfaldleikanum. Við fengum hana í stutt spjall og spurðum fyrst hvað heillaði hana mest við starfið.

„Ég hef mikinn áhuga á innanhússhönnun og fallegum heimilum og á auðvelt með að sjá ef hægt er að breyta skipulagi, og aðstoða fólk við að sjá möguleikana. Það er líka dásamlegt þegar vel tekst til að sjá hamingjuna hjá fólki með nýja heimilið. Það sem gerir hús að heimili, fyrir utan fólkið, eru notalegheit og fegurð þar sem manni líður vel að koma heim og kveikja á kerti eftir langan vinnudag,“ segir Vera.

Hún er mikið fyrir opin rými, fáa milliveggi, mikla lofthæð og stóra glugga. „Hrátt umhverfi, náttúrulegir litir og einfaldleiki heillar mig. Ég er ekki til í að eyða of miklum peningum í dauða hluti innanhúss svo ég finn yfirleitt það sem mig langar í eða svipað, fyrir lítinn pening og breyti þegar ég vil. Ég raða saman gömlu og nýju, minn stíll er svolítið grófur og helst stærri hlutir í bland við einfalda stílhreina hluti, svo blundar í mér örlítill hippi. Þegar kemur að byggingarstíl er ég dálítið hrifin af funkíarkitektúr, stórum gluggum og stílhreinum stíl en svo er ég mjög veik fyrir gömlum bárujárnshúsum.“

- Auglýsing -

Vera í hnotskurn:

Fjölskylda? „Ég er í sambúð með Árna Róbert Sigurðar, á tvær uppkomnar dætur og einn son. Ég nýorðin amma og á von á öðru barnabarni í sumar.“

Uppáhaldsinnanhússarkitekt? „Þeir eru líka margir og einn stíll hentar mér ekki en ef ég nefni einn íslenskan þá er það Rut Káradóttir.“

- Auglýsing -

Hvað hefur þig lengi dreymt um að eignast? „Fullbúinn pall með öllu tilheyrandi, að hluta yfirbyggðan þar sem við búum á Íslandi. Með hitara sófasetti, heitum potti, hengirúmi og fleira skemmtilegu. Hver veit nema þetta rætist í sumar, allavega að hluta til.“

Uppáhaldsliturinn þinn? „Svartur verður alltaf í uppáhaldi en í dag er ég veik fyrir steypugrágrænum lit sem ég veit ekki hvað heitir en við máluðum alla veggi hjá okkur með honum þegar við fluttum í nýju íbúðina okkar í september.“

Hvar líður þér best? „Heima við kertaljós og með góðan mat.“

- Auglýsing -

Hvaða árstíð heillar þig mest? „Get ekki gert upp á milli en sumarið er tíminn og haustin eru kósí.“

Svalasti veitingastaðurinn á Íslandi í dag? „Ég fer ekki oft og er þá dálítið íhaldssöm, ég fíla steik svo ég ætla að velja veitingastaðinn Reykjavík Meat.“

„Að lifa lífinu lifandi er að… eldast og njóta frá degi til dags og taka sjálfan sig ekki of hátíðlega. Mottóið er svo að koma fram við aðra eins og ég kýs að aðrir komi fram við mig.“

Myndir /  Úr einkasafni

 

Veistu meira um málið?

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 
- Auglýsing -

Orðrómur

Helgarviðtalið

Lestu meira

Meiri litagleði að færast í baðherbergistískuna  

Íris Jensen, eigandi verslunarinnar Innréttingar og tæki, segir að undanfarin ár hafi meiri litagleði færst yfir í...

Brakandi ferskt grænmeti á matardiskinn sama dag og það er uppskorið

VAXA er leiðandi fyrirtæki á sviði svokallaðs lóðrétts landbúnaðar. Í framleiðslunni er lögð áhersla á umhverfisvæna ræktun...

Góð þjónusta fagfólks ómetanleg

„Við setjum viðskiptavininn í fyrsta sæti,“ segir Kristinn Sigurbjörnsson, löggiltur fasteignasali og annar eigandi ALLT fasteignasölu. Fasteignasalan...

Nýtt í dag

Í fréttum er þetta helst...

Mest lesið í vikunni

- Auglýsing -